________________
१४६
मायाधम्मकहाओ
चउण्ह य सुण्हाणं कुलघरवग्गस्स पुरो पंच सालिअक्खए गेण्हइ, गेण्हित्ता' चउत्थं रोहिणीयं सुण्हं सद्दावेइ, सद्दावेत्ता एवं वयासी-तुमं णं पुत्ता ! मम हत्थानो इमे पंच सालिग्रक्खए गेण्हाहि, जाव' गेण्हइ, गेण्हित्ता एगंतमवक्कमइ, एगंतमवक्कमियाए इमेयारूवे अज्झथिए चितिए पत्थिए मणोगए संकप्पे समुप्पज्जित्था-एवं खलु ममं तारो इमस्स मित्त-नाइ-नियग-सयण-संबंधिपरियणस्स चउण्ह य सुण्हाणं कुलघरवग्गस्स पुरओ सद्दावेत्ता एवं वयासी-तुमंणं पुत्ता ! मम हत्थानो इमे पंच सालिअक्खए गेण्हाहि, अणुपुव्वेणं सारक्खमाणी संगोवेमाणी विहराहि। जया णं अहं पुत्ता ! तुम इमे पंच सालिअक्खए जाएज्जा, तया णं तुम मम इमे पंच सालिमक्खए पडिनिज्जाएज्जासि त्ति कट्ट मम हत्थंसि पंच सालिअक्खए दलयइ° । तं भवियव्वं एत्थ कारणेणं' । तं सेयं खलु मम एए पंच सालिअक्खए सारक्खमाणीए संगोवेमाणीए संवड्ढेमाणीए त्ति कटु एवं संपेहेइ, संपेहेत्ता कुलघर-पुरिसे सद्दावेइ, सद्दावेत्ता एवं वयासीतुभे णं देवाणुप्पिया ! एए पंच सालिअक्खए गेण्हइ, गेण्हित्ता पढमपाउसंसि महावुट्टिकायंसि निवइयंसि समाणंसि खुड्डागं केयारं सुपरिकम्मियं करेह, करेत्ता इमे पच सालिअक्खए वावेह, वावेत्ता दोच्चं पि 'तच्चं पि” उक्खय-निहए' करेह, करेत्ता वाडिपक्खेव करेह, करेत्ता सारक्खमाणा संगोवेमाणा
आणुपुव्वेणं संवड्ढेह ॥ ११. तए णं ते कोडुबिया रोहिणीए एयमटुं पडिसुणेति, ते पंच सालिअक्खए गेण्हंति,
अणुपुव्येणं सारक्खंति, संगोविति ॥ १२. तए ण कोडबिया पढमपाउसंसि महावुट्टिकायंसि निवइयंसि समाणंसि खड़ागं
केयारं सपरिकम्मियं करेति, ते पंच सालिमक्खए ववंति, दोच्चं पि तच्चं पि उक्खय-निहए करेंति, वाडिपरिक्खेवं करेंति, अणुपुव्वेणं सारक्खेमाणा
संगोवेमाणा संवड्ढे माणा विहरंति ॥ १३. तए णं ते साली अणुपुव्वेणं सारक्खिज्जमाणा संगोविज्जमाणा संवविज्जमाणा
साली जाया-- किण्हा किण्होभासा • नीला नीलोभासा हरिया हरिप्रोभासा सीया सीयोभासा णिद्धा णिद्धोभासा तिव्वा तिव्वोभासा किण्हा किण्हच्छाया नीला नीलच्छाया हरिया हरियच्छाया सीया सीयच्छाया णिद्धा णिद्धच्छाया तिव्वा तिव्वच्छाया घण-कडियकडिच्छाया रम्मा महामेह ° निउरंबभूया पासाईया दरिसणिज्जा अभिरूवा पडिरूवा ।।
१. स० पा०-सहावेइ जाव तं। २. ना० ११७६,७। ३. कारणेणं ति कटु (क, घ)। ४. X(क, ग)।
५. निक्खए (क, ख, ग, घ)। ६. X(क, ख, ग)। ७. संगोविंति विहरंति (क, ख, ग, घ)। ८. सं० पा०—किण्होभासा जाव निउरंबभूया।
Jain Education International
For Private & Personal Use Only
www.jainelibrary.org
