________________
पंचमं अज्झयणं (सेलगै)
१२३ इच्चेएणं दुविहेणं विणयमूलएणं धम्मेणं आणुपुव्वेणं अट्ठकम्मपगडीओ खवेत्ता
लोयग्गपइट्ठाणा भवंति ॥ ६०. तए णं थावच्चापुत्ते सुदंसणं एवं वयासी-तुब्भण्णं सुदंसणा ! किंमूलए धम्मे
पण्णत्ते? अम्हाणं देवाणुप्पिया ! सोयमूलए धम्मे पण्णत्ते । •से वि य सोए दुविहे पण्णत्ते, तं जहा-दव्वसोए य भावसोए य। दव्वसोए उदएणं मट्टियाए य । भावसोए दब्भेहि य मंतेहि य । जंणं अम्हं देवाणुप्पिया ! किंचि असुई भवइ तं सव्वं सज्जपुढवीए आलिप्पइ, तो पच्छा सुद्धेण वारिणा पक्खालिज्जइ, तो णं असुई सुई भवइ । एवं खलु जीवा जलाभिसेय-पूयप्पाणो अविग्घेणं° सग्गं गच्छंति ॥ तए णं थावच्चापुत्ते सुदंसणं एवं वयासी-सुदंसणा ! से जहानामए केइ पूरिसे एग महं रुहिरकयं वत्थं रुहिरेण चेव धोवेज्जा', तए णं सुदंसणा! तस्स रुहिरकयस्स वत्थस्स रुहिरेण चेव पक्खालिज्जमाणस्स अत्थि काइ सोही ? नो इणट्रे" समटे । एवामेव सुदंसणा! तुब्भं पि पाणाइवाएणं जाव' बहिद्धादाणेणं नत्थि सोही, जहा तस्स रुहिरकयस्स वत्थस्स रुहिरेणं चेव पक्खालिज्जमाणस्स नत्थि सोही। सुदंसणा ! से जहानामए के इ पुरिसे एगं महं रुहिरकयं वत्थं सज्जिय-खारेणं प्रालिपई, आलिपित्ता पयणं आरुहेइ", पारुहेत्ता उण्हं गाहेइ, तो पच्छा सद्धणं वारिणा धोवेज्जा। से नूणं सुदंसणा! तस्स रुहिरकयस्स वत्थस्स सज्जिय-खारेणं अणुलित्तस्स पयणं पारुहियस्स उण्हं गाहियस्स सुद्धेणं वारिणा पक्खालिज्जमाणस्स सोही भवइ ? हंता भवइ । एवामेव सुदंसणा! अम्हें पि पाणाइवायवेरमणेणं जाव" बहिद्धादाणवेरमणेणं अत्थि सोही, जहा वा तस्स रुहिरकयस्स वत्थस्स" सज्जियखारेणं अणलित्तस्स पयणं आरुहियस्स उण्हं गाहियस्स' सुद्धणं वारिणा पक्खालिज्जमाणस्स अत्थि सोही।
१. सं० पा० -पण्णत्ते जाव सग्गं ।
८. सज्जिया (क, घ)। २. धोएज्जा (क, ग, घ)।
६. अणु लिप्पति (ख, घ); अणुलिंपइ (ग)। ३. X (ख, ग)।
१०. आरोहइ (घ)। ४. काय (क, ग)।
११. ना० ११५।५६ । ५. यणढे (क, ख)।
१२. मिच्छादसणसल्लवेरमणेणं (क, ख, ग, घ)। ६. ना० ११५५६ ।
द्रष्टव्यम्-११५१५६ सूत्रस्य पादटिप्पणम् । ७. मिच्छादसणसल्लेणं (क, ख, ग, घ)। १३. सं० पा०-वत्थस्स जाव सद्धेणं ।
द्रष्टव्यम्-११५६ सूत्रस्य पादटिप्पणम् ।
Jain Education International
For Private & Personal Use Only
www.jainelibrary.org
