________________
मायाधम्मकहाओ
आसुरुत्ता रुट्टा' 'कुविया चंडिक्किया' मिसिमिसेमाणी धणस्स सत्थवाहस्स
पोसमावज्जइ ।। धणस्स चारमुत्ति-पदं ५८. तए णं से धणे सत्थवाहे अण्णया कयाइं मित्त-नाइ-नियग-सयण-संबंधि-परि
यणेणं सएण य अत्थसारेणं रायकज्जायो अप्पाणं मोयावेइ, मोयावेत्ता चारगसालानो पडिणिक्खमइ, पडिणिक्खमित्ता जेणेव अलंकारियसभा तेणेव उवागच्छइ, उवागच्छित्ता अलंकारियकम्म कारवेइ जेणेव पोक्खरिणी तेणेव उवागच्छइ, उवागच्छित्ता अहधोयमट्टियं गेण्हइ, गेण्हित्ता पोक्खरिणी अोगाहइ, प्रोगाहित्ता जलमज्जणं करेइ, करेत्ता हाए कयवलिकम्मे °कय-कोउयमंगल-पायच्छित्ते सव्वालंकारविभूसिए° रायगिहं नगरं अणुप्पविसइ, अणुप्पविसित्ता रायगिहस्स नगरस्स मज्झमझेणं जेणेव सए गिहे तेणेव पहारेत्थ
गमणाए ॥ धणस्स सम्माण-पदं ५६. तए णं तं धणं सत्थवाहं एज्जमाणं पासित्ता रायगिहे नयरे बहवे नगर-निगम -
सेट्ठि-सत्थवाह-पभिइनो आढंति परिजाणंति सक्कारेति सम्माणेति अब्भुट्ठति
सरीरकुसलं पुच्छंति ॥ ६०. तए णं से धणे सत्थवाहे जेणेव सए गिहे तेणेव उवागच्छइ।
जावि य से तत्थ बाहिरिया परिसा भवइ, तंजहा-दासा इ वा पेस्सा इ वा भयगा इ वा भाइल्लगा इ वा, सा वि य णं धणं सत्थवाहं एज्जमाणं पासइ, पायवडिया खेमकुसलं पुच्छइ। जावि य से तत्थ अब्भंतरिया परिसा भवइ, तंजहा--माया इ वा पिया इ वा भाया इ वा भइणी इ वा, सावि य णं धणं सत्थवाहं एज्जमाणं पासइ, पास
णाम्रो अभुटेइ, कंठाकंठियं अवयासिय" बाह-प्पमोवखणं करेइ ।। भद्दाए कोवोवसमपुव्वं सम्माण-पदं ६१. तए णं से धणे सत्थवाहे जेणेव भद्दा भारिया तेणेव उवागच्छ ।
१. सं० पा०-रुढा जाव मिसिमिसेमाणी। २. कारेति (ख); करावेई (घ)। ३. अदायमट्टियं (क्व०)। ४. सं० पा०--कयबलिकम्मे जाव रायगिह। ५. नागर (ग)। ६. नियमे (क); नियग (ग)।
७. आढायंति (क)। ८. भइगा (क, ग, घ)। ६. भातिल्लगा (ग)। १०. अभिंतरिया (ग, घ) । ११. अवदासिय (ग, घ)।
Jain Education International
For Private & Personal Use Only
www.jainelibrary.org
