________________
नायाधम्मकहाओ कक्खंसि अल्लियावेइ', अल्लियावेत्ता उत्तरिज्जेणं पिहेइ', पिहेत्ता सिग्घं तुरियं चवलं वेइयं रायगिहस्स नगरस्स अवद्दारेण निग्गच्छइ, निग्गच्छित्ता जेणेव जिण्णुज्जाणे जेणेव भग्गकूवए तेणेव उवागच्छइ, उवागच्छित्ता देवदिन्नं दारयं जीवियाग्रो ववरोवेड. ववरोवेत्ता प्राभरणालंकारं गेण्ड, गेण्डित्ता देवदिन्नस्स दारगस्स सरीरं निप्पाणं निच्चेटुं जीवविप्पजढं भग्गकूवए पक्खिवइ, पक्खिवित्ता जेणेव मालुयाकच्छए तेणेव उवागच्छइ, उवागच्छित्ता मालुयाकच्छयं अणुप्पविसइ, अणुप्पविसित्ता निच्चले निप्फंदे तुसिणीए दिवसं खवेमाणे
चिट्ठइ ॥ देवदिन्नस्स गवेसरणा-पदं २६. तए णं से पंथए दासचेडए' तो मुहुत्तंत रस्स जेणेव देवदिन्ने दारए ठविए
तेणेव उवागच्छइ, उवागच्छित्ता देवदिन्नं दारगं तंसि ठाणंसि अपासमाणे रोयमाणे कंदमाणे [विलवमाणे ? ] देवदिन्नस्स दारगस्स सव्वओ समंता मग्गण-गवेसणं करेइ । देवदिन्नस्स दारगस्स कत्थइ सुई वा खइं वा पत्ति वा अलभमाणे जेणेव सए गिहे जेणेव धणे सत्थवाहे तेणेव उवागच्छइ, उवागच्छित्ता धणं सत्थवाहं एवं वयासी-एवं खलु सामी ! भद्दा सत्थवाहो देवदिन्नं दारयं पहायं जाव" सव्वालंकारविभूसियं मम हत्थंसि" दलयइ । तए ‘णं अहं देवदिन्नं दारयं कडीए गिण्हामि", •गिण्हित्ता सयाओ गिहाम्रो पडिनिक्खमामि, बहहिं डिभएहि य डिभियाहि य दारएहि य दारियाहि य कुमारएहि य कुमारियाहि य सद्धि संपरिवुडे जेणेव रायमग्गे तेणेव उवागच्छामि, उवागच्छित्ता देवदिन्नं दारगं एगते ठावेमि, ठावेत्ता बहूहिं डिभएहि य जाव कुमारियाहि य सद्धि संपरिवुडे पमत्ते यावि विहरामि । तए णं अहं तनो मुहुत्तंतरस्स जेणेव देवदिन्ने दारए ठविए तेणेव उवागच्छामि, उवागच्छित्ता देवदिन्नं दारगं तंसि ठाणंसि अपासमाणे रोयमाणे कंदमाणे [विलवमाणे ? ] देवदिन्नस्स दारगस्स सव्वनो समंता' मग्गण-गवेसणं करेमि । तं न नज्जइ णं सामी ! देवदिन्ने दारए केणइ नीते" वा अवहिते वा अक्खित्ते वा–पायवडिए धणस्स सत्थवाहस्स
देइ ।।
१. अलियावेइ (क, ख)। २. पेहेइ (क)। ३. चेइयं (क, ग)। ४. अववारेण (क)। ५. निक्खिवइ (ग)। ६. क्षेपयन् (वृ)। ७. चेडे (क, ख, घ)। ८. ठाविए (ख)।
६. ११२।३४ सूत्र 'रोयमाणे जाव विलवमाणे'
इति पाठोस्ति । अत्रापि तथैव यूज्यते । १०. ना० ११२।२६। ११. हत्थे (घ)। १२. णं हं (ख, ग)। १३. सं० पा०-गिण्हामि जाव मग्गणगवेसणं । १४. नितिए (क, ग)।
Jain Education International
For Private & Personal Use Only
www.jainelibrary.org
