________________
बौयं अज्झयणं (संघाडे)
धणसत्थवाह-पदं ७. तत्थ णं रायगिहे नयरे धणे नामं सत्थवाहे --अड्ढे दित्ते वित्थिण्ण-विउल
भवण-सयणासण-जाण-वाहणाइण्णे बहुदासो-दास-गो-महिस-गवेलगप्पभूए बहुधण-बहुजायरूवरयए अायोग-पयोग-संपउत्ते विच्छड्डिय -विउल-भत्तपाणे ।। तस्स णं धणस्स सत्थवाहस्स भद्दा नाम भारिया होत्था-सुकुमालपाणिपाया अहीणपडिपुण्ण-पंचिदियसरीरा लक्खण-वंजण-गुणोववेया माणुम्माण-प्पमाणपडिपुण्ण-सुजाय-सव्वंगसुंदरंगी ससिसोमागार-कंत-पियदसणा सुरूवा करयलपरिमिय-तिवलिय-वलियमझा कुडलुल्लिहियगंडलेहा कोमुइ-रयणियरपडिपुण्ण-सोमवयणा सिंगारागार-चारुवेसा'संगय-गय-हसिय-भणिय-विहियविलास-सललिय-संलाव-निउण-जुत्तोवयार-कुसला पासादीया दरिसणिज्जा अभिरूवा पडिरूवा वंझा अवियाउरी जाणुकोप्परमाया यादि होत्था ।। तस्स णं धणस्स सत्थवाहस्स पंथए नाम दासचेडे होत्था--सव्वंगसुंदरंगे मंसो
वचिए वालकीलावणकुसले यावि होत्था ।। १०. तए णं से धणे सत्थवाहे रायगिहे नयरे बहूणं नगर-निगम-सेट्ठि-सत्थवाहाणं
अटारसण्ह य सेणिप्पसेणीणं बहसु कज्जसु य कुडुबेसु य मंतेसु य जाव' चक्खुभूए यावि होत्था। नियगस्स वि य णं कुडुवस्स बहूसु कज्जेसु य जाव
चक्खुभूए यावि होत्था ॥ विजयतक्कर-पदं ११. तत्थ णं रायगिहे नयरे विजए नाम तक्करे होत्था-पावचंडाल-रूवे भीमतररुद्द
कम्मे आरुसिय-दित्त-रत्तनयणे२ खरफरुस-महल्ल-विगय-बीभच्छदाढिए असंपुडियउटे उद्धय-पइण्ण-लंवंतमुद्धए भमर-राहुवण्ण निरणुक्कोसे निरणुतावे दारुण पइभए निसंसइए“ निरणुकंपे अहीव एगंतदिट्ठीए खुरेव एगंतधाराए गिद्धेव आमिसतल्लिच्छे अग्गिमिव सव्वभक्खी जलमिव सव्वग्गाही उक्कंचणवंचण-माया-नियडि-कूड कवड-साइ-संपयोग-बहुले चिरनगरविणठ्ठ-दुट्ठसीलायार
१. सं० पा०—दित्ते जाव विउलभत्तपाणे । २. विच्छिन्न (ओ० सू० १४) । ३. पउर (ओ० सू० १४)। ४. सुभद्दा (ख)। ५. पसत्थ-तिवली (ओ० सू० १५) । ६. मज्झा (क, ख, घ)। ७. रयणियर-विमल (१११।१७)।
८. सोमचंदवयणा (ग)। ६. सं० पा०-चारुवेसा जाव पडिरूवा । १०. नियम (क, ग)। ११. ना० १।१।१६ । १२. रत्तयनयणे (क)। १३. पतिभते (ग)। १४. नेसंसत्तिए (ख); निसंसे (बृपा)।
Jain Education International
For Private & Personal Use Only
www.jainelibrary.org
