Page Text
________________
पंचवीसइमं सतं (चउत्थो उद्देसो)
१२३ १६३. एएसि णं भंते ! परमाणुपोग्गलाणं, संखेज्जपदेसियाणं, असंखेज्जपदेसियाणं,
अणंतपदेसियाण य खंधाणं दबट्ठयाए, पदेसट्टयाए, दवट्ठ-पदेसट्टयाए कयरे कय रेहितो 'अप्पा वा ? बहया वा? तुल्ला वा ? ० विसेसाहिया वा ? गोयमा! सव्वत्थोवा अणंतपदेसिया खंधा दव्वदयाए, परमाणपोग्गला दव्वदयाए अणंतगुणा, संखेज्जपदेसिया खंधा दव्वट्ठयाए संखेज्जगुणा, असंखेज्जपदेसिया खंधा दव्वट्ठयाए असंखेज्जगुणा । पदेसट्टयाए--- सव्वत्थोवा अणंतपदेसिया खंधा पदेसट्टयाए, परमाणुपोग्गला अपदेसट्ठयाए अणंतगुणा, संखेज्जपदेसिया खंधा पदेसट्टयाए संखेज्जगुणा, असंखेज्जपदेसिया खंधा पदेसट्ठयाए असंखेज्जगुणा। दव्वट्ठ-पदेसट्टयाए--सव्वत्थोवा अणंतपदेसिया खंधा दव्वट्ठयाए, 'ते चेव' पदेसट्टयाए अणंतगुणा, परमाणुपोग्गला दबट्ठ-पदेसट्ठयाए अणंतगुणा, संखेज्जपदेसिया खंधा दव्वट्ठयाए संखेज्जगुणा, ते चेव पदेसट्टयाए संखेज्जगुणा, असंखेज्जपदेसिया खंधा दव्वट्ठयाए असंखेज्जगुणा, ते चेव पदेसट्टयाए असंखेज्जगुणा। एएसि णं भंते ! एगपदेसोगाढाणं, संखेज्जपदेसोगाढाणं, असंखेज्जपदेसोगाढाण य पोग्गलाणं दव्वट्ठयाए, पदेसट्टयाए, दव्वट्ठ-पदेसट्टयाए कयरे कयरेहितो' 'अप्पा वा? बहया वा? तुल्ला वा ? ० विसेसाहिया वा ? गोयमा ! सव्वत्थोवा एगपदेसोगाढा पोग्गला दव्वदयाए, संखेज्जपदेसोगाढा पोग्गला दव्वट्याए संखेज्जगणा, असंखेज्जपदेसोगाढा पोग्गला दवट्याए असंखेज्जगुणा । पदेसट्टयाए-सव्वत्थोवा एगपदेसोगाढा पोग्गला अपदेसट्टयाए, संखेज्जपदेसोगाढा पोग्गला पदेसट्टयाए संखेज्जगुणा, असंखेज्जपदेसोगाढा पोग्गला पदेसट्टयाए असंखेज्जगुणा । दव्वट्ठ-पदेसट्टयाए- सव्वत्थोवा एगपदेसोगाढा पोग्गला दव्वट्ठ-अपदेसट्टयाए, संखेज्जपदेसोगाढा पोग्गला दव्वट्टयाए संखेज्जगुणा, ते चेव पदेसट्टयाए संखेज्जगुणा । असंखेज्जपदेसोगाढा पोग्गला
दव्वट्ठयाए असंखेज्जगुणा, ते चेव पदेसट्टयाए असंखेज्जगुणा ॥ १६५. एएसि णं भंते ! एगसमयद्वितीयाणं, संखेज्जसमयद्वितीयाणं, असंखेज्जसमय
द्वितीयाण य पोग्गलाणं० ? जहा अोगाहणाए तहा ठितीए वि भाणियव्वं
अप्पाबहगं ।। १६६. एएसि णं भंते ! एगगुणकालगाणं, संखेज्जगुणकालगाणं, असंखेज्जगुणकालगाणं,
अणंतगुणकालगाण य पोग्गलाणं दव्वट्ठयाए, पदेसट्ठयाए, दव्वट्ठ-पदेसट्ठयाए कयरे कयरेहितो अप्पा वा ? बहुया वा ? तुल्ला वा ? विसेसाहिया वा ? एएसिं जहा परमाणुपोग्गलाणं अप्पाबहुगं तहा एएसि पि अप्पाबहुगं । एवं सेसाण वि वण्ण-गंध-रसाणं ।।
३. सं० पा०-कयरेहितो जाव विसेसाहिया।
१. सं० पा०-कयरेहितो जाव विसेसाहिया। २. तेच्चेव (ता)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |