________________
११८
भगवई
__ कडजुम्मा जाव सिय कलियोगा; विहाणादेसेणं कडजुम्मा वि जाव कलियोगा
वि । एवं ने रइया वि । एवं जाव वेमाणिया ।। १२५. सिद्धा णं भंते ! –पुच्छा।
गोयमा ! अोघादेसेण वि विहाणादेसेण वि कडजुम्मा, नो तेयोगा, नो दावरजुम्मा, नो कलियोगा ।। जीवे ण भते ! कि कडजम्मपदेसोगाढे-पूच्छा। गोयमा ! सिय कडजुम्मपदेसोगाढे जाव सिय कलियोगपदेसोगाढे। एवं
जाव सिद्धे ।। १२७. जीवा णं भंते ! कि कडजुम्मपदेसोगाढा-पुच्छा।
गोयमा ! अोवादेसेणं कडजुम्मपदेसोगाढा, नो तेयोगपदेसोगाढा, नो दावरजुम्मपदेसोगाढा, नो कलियोगपदेसोगाढा; विहाणादेसेणं कडजुम्मपदेसोगाढा
वि जाव कलियोगपदेसोगाढा वि ॥ १२८. नेरइयाणं-पुच्छा।
गोयमा ! ग्रोधादेसेणं सिय कडजम्मपदेसोगाढा जाव सिय कलियोगपदेसोगाढा; विहाणादेसेणं कडजुम्मपदेसोगाढा वि जाव कलियोगपदेसोगाढा वि । एवं 'एगिदिय-सिद्धवज्जा सव्वे वि'' । सिद्धा एगिदिया य जहा जीवा ॥ जीवे णं भंते ! कि कडजुम्मसमयट्टितीए-पुच्छा।। गोयमा! कडजुम्मसमयट्टितीए, नो तेयोगसमयट्टितीए, नो दावरजुम्मसमयट्टितीए,
नो कलियोगसमयट्टितीए ॥ १३०. नेरइए णं भते !-पुच्छा।
गोयमा ! सिय कडजुम्मसमयट्टितीए जाव सिय कलियोगसमयद्वितीए । एवं
जाव वेमाणिए । सिद्धे जहा जीवे ।। १३१. जीवा णं भंते ! ---पूच्छा। - गोयमा ! ओघादेसेण वि विहाणादेसेण वि कडजुम्मसमयद्वितीया, नो तेयोग
समयद्वितीया, नो दावरजम्मसमयट्टितीया, नो कलियोगसमयद्वितीया । १३२. नेरइयाणं-पुच्छा।
गोयमा ! अोघादेसेणं सिय कडजुम्मसमयद्वितीया जाव सिय कलियोगसमयद्वितीया वि; विहाणादेसेणं कडजुम्मसमयद्वितीया वि जाव कलियोगसमय
द्वितीया वि । एवं जाव वेमाणिया । सिद्धा जहा जीवा ।। १३३. जीवे णं भंते ! कालावण्णपज्जवेहि किं कडजुम्मे-पुच्छा।
गोयमा ! जीवपदेसे पडुच्च नो कडजुम्मे जाव नो कलियोगे । सरीरपदेसे
१२६.
१. एगिदियवज्जा जाव (क, ता, ब) ।
Jain Education International
For Private & Personal Use Only
www.jainelibrary.org
