________________
पचवीसइमं सतं (तइओ उद्देसो)
तइओ उद्देसो संठाण-पदं ३३. कति णं भंते ! संठाणा पण्णत्ता ?
गोयमा ! छ संठाणा पण्णत्ता, तं जहा -परिमंडले, वट्टे, तंसे, चउरंसे, आयते,
अणित्थंथे। ३४. परिमंडला णं भंते ! संठाणा दवट्टयाए कि संखेज्जा ? असंखेज्जा ? अणता ?
गोयमा ! नो संखेज्जा, नो असंखेज्जा, अणंता ।। ३५. वट्टा णं भंते ! संठाणा ०? एवं चेव । एवं जाव अणित्थंथा। एवं पएसट्टयाए
वि । ‘एवं दवट्ठ-पएसट्टयाए वि॥ एएसि णं भंते ! परिमंडल-वट्ट-तंस-चउरंस-पायत-अणित्थंथाणं संठाणाणं दव्वट्ठयाए पएसट्टयाए दव्वट्ठ-पएसट्टयाए कयरे कयरेहितो' 'अप्पा वा ? बहुया वा? तुल्ला वा ? • विसेसाहिया वा ? गोयमा ! सव्वत्थोवा परिमंडलसंठाणा दव्वट्टयाए, वट्टा संठाणा दव्वट्ठयाए संखेज्जगुणा, चउरसा संठाणा दव्वट्ठयाए संखेज्जगुणा, तंसा संठाणा दव्वट्ठयाए संखेज्जगुणा, प्रायता संठाणा दव्वट्ठयाए संखेज्जगुणा, अणित्थंथा संठाणा दव्वट्ठयाए असंखेज्जगुणा। पएसट्ठयाए-सव्वत्थोवा परिमंडला संठाणा पएसट्ठयाए, वट्टा संठाणा पएसट्ठयाए संखेज्जगुणा, जहा दव्वट्ठयाए तहा पएसट्ठयाए वि जाव अणित्थंथा संठाणा पएसट्टयाए असंखज्जगुणा। दव्वदृपएसट्टयाए -सव्वत्थोवा परिमंडला संठाणा दव्वट्ठयाए, सो चेव दव्वट्ठयाए गमो भाणियव्वो जाव अणित्थंथा संठाणा दवट्ठयाए असंखेज्जगुणा, अणित्थंथेहितो संठाणेहितो दव्वट्ठयाए परिमंडला संठाणा पएसट्टयाए असंखेज्जगुणा, वट्टा संठाणा पएसट्टयाए संखेज्जगुणा, सो चेव पएसट्टयाए गमनो भाणियब्वो जाव
अणित्थंथा संठाणा पएसट्टयाए असंखेज्जगुणा ।। रयणप्पभादिसंदभे संठाण-पदं ३७. कति णं भंते ! संठाणा पण्णत्ता ?
गोयमा ! पंच संठाणा पण्णत्ता, तं जहा-परिमंडले जाव आयते ॥ २८. परिमंडला णं भंते ! संठाणा कि संखेज्जा ? असंखेज्जा ? अणता ?
गोयमा ! नो संखेज्जा, नो असंखेज्जा, अणंता ।। ३६. वद्रा णं भंते ! संठाणा कि संखेज्जा ०? एवं चेव । एवं जाव प्रायता ॥ ४०. इमीसे णं भंते ! रयणप्पभाए पुढवीए परिमंडला संठाणा किं संखेज्जा ?
असंखेज्जा ? अणंता?
१. x (अ, क, ता, ब, म, स)।
२. सं० पा०-कयरेहितो जाव विसेसाहिया।
www.jainelibrary.org
For Private & Personal Use Only
Jain Education International
