________________
६०४
भगवई
गोयमा ! दुविहा पण्णत्ता, तं जहा-रूविअजीवदव्वा य, अरूविअजीवदव्वा
य
॥
११. "अरूविअजीवदव्वा णं भंते ! कतिविहा पण्णत्ता ?
गोयमा ! दसविहा पण्णत्ता, तं जहा-धम्मत्थिकाए, धम्मत्थिकायस्स देसे, धम्मत्थिकायस्स पदेसा, अधम्मत्थिकाए, अधम्मत्थिकायस्स देसे, अधम्मत्थिकायस्स पदेसा, अागासत्थिकाए, ग्रागासत्थिकायस्स देसे, अागासत्थिकायस्स
पदेसा, अद्धासमए॥ १२. रूविजीवदव्वा णं भंते ! कतिविहा पण्णत्ता ?
गोयमा ! चउविहा पण्णत्ता, तं जहा-खंधा, खंधदेसा, खंधपदेसा, परमाणु
पोग्गले ॥ १३. ते णं भंते ! कि संखेज्जा ? असंखेज्जा ? अणंता ?
गोयमा ! नो संखेज्जा, नो असंखेज्जा, अणंता ।। १४. से केणतुणं भंते ! एवं वुच्चइ-नो संखेज्जा, नो असंखेज्जा, अणता ?
गोयमा ! अणंता परमाणुपोग्गला, अणंता दुपदेसिया खंधा जाव अणंता दसपदेसिया खंधा, अणंता संखेज्जपदेसिया खंधा, अणंता असंखेज्जपदेसिया खंधा, अणंता अणंतपदेसिया खंधा ।° से तेण?णं गोयमा ! एवं वुच्चइ-ते
णं नो संखेज्जा, नो असंखेज्जा, अणंता॥ १५. जीवदव्वा णं भंते ! कि संखेज्जा? असंखेज्जा ? अणता?
गोयमा ? नो संखेज्जा, नो असंखेज्जा, अणंता ॥ से केणट्रेणं भंते ! एवं वुच्चइ ---जीवदव्वा णं नो संखेज्जा, नो असंखेज्जा, अणता? गोयमा ! असंखेज्जा नेरइया जाव असंखेज्जा वाउक्काइया, अणंता वणस्सइकाइया, असंखेज्जा बेदिया, एवं जाव वेमाणिया, अणंता सिद्धा । से तेणद्वेणं
जाव अणंता॥ जीवाणं अजीवपरिभोग-पदं १७. जीवदव्वाणं भंते ! अजीवदव्वा परिभोगत्ताए हव्वमागच्छंति ? अजीवदव्वाणं
जीवदव्वा परिभोगत्ताए हव्वमागच्छंति ? गोयमा ! जीवदव्वाणं अजीवदव्वा परिभोगत्ताए हव्वमागच्छंति, नो अजीव
दव्वाणं जीवदव्वा परिभोगत्ताए हव्वमागच्छंति ॥ १८. से केणद्वेणं भंते ! एवं वुच्चई- जीवदव्वाणं अजीवदव्वा परिभोगत्ताए
२. सं० पा०-वूच्चइ जाव हव्वमागच्छति ।
१. सं० पा.-एवं एएणं अभिलावेणं जहा
अजीवपज्जवा जाव से।
Jain Education International
For Private & Personal Use Only
www.jainelibrary.org
