Page Text
________________
च उवीसइमं सतं (बावीसइमो उद्देसो)
८६३
सम्मदिट्ठी, नो मिच्छदिट्ठी, नो सम्मामिच्छदिट्ठी। नाणी, नो अण्णाणी, नियम तिण्णाणी, तं जहा-आभिणिबोहियनाणी, सुयनाणी, प्रोहिनाणी। ठिती जहपणणं एक्कतीसं सागरोवमाइं, उक्कोसेणं तेत्तीसं सागरोवमाइं । सेसं तं चेव । भवादेसेणं जहण्णणं दो भवग्गहणाइं, उक्कोसेणं चत्तारि भवग्गहणाइं । कालादेसेणं जहणणेणं एक्कतीसं सागरोवमाइं वासपुहत्तमब्भहियाई, उक्कोसेणं छावट्टि सागरोवमाइं दोहि पुव्वकोडीहिं अब्भहियाई, एवतियं काल सेवेज्जा, एवतियं कालं गतिरागति करेज्जा । एवं सेसा वि अटु गमगा भाणियव्वा, नवरं-ठिति
अणुबंधं संवेधं च जाणेज्जा । सेसं एवं चेव १-६॥ ३११. सव्वट्ठसिद्धगदेवे णं भंते ! जे भविए मणुस्सेसु उववज्ज्त्तिए०? सा चे .
विजयादिदेववत्तव्वया भाणियव्वा, नवरं-ठिती अजहण्णमणुक्कोसेणं तेत्तीसं सागरोवमाइं। एवं अणुबंधो वि । सेसं तं चेव । भवादेसेणं दो भवग्गहणाई, कालादेसेणं जहण्णेणं तेत्तीसं सागरोवमाई वासपुहत्तमब्भहियाइं, उक्कोसेणं तेत्तीसं सागरोवमाइं पुब्वकोडीए अभहियाइं, एवतियं कालं सेवेज्जा, एवतियं
कालं गतिरागति करेज्जा १ ॥ ३१२. सो चेव जहण्णकालद्वितीएस उववण्णो, एस चेव वत्तव्वया, नवरं-कालादेसेणं
जहण्णेणं तेत्तीसं सागरोवमाइं वासपुहत्तमब्भहियाइं, उक्कोसेण वि तेत्तीसं सागरोवमाइं वासपूहत्तमब्भहिया, एवतियं काल सेवेज्जा, एवतियं कालं
गतिरागति करेज्जा २ ।। ३१३. सो चेव उक्को कालट्टितीएसु उववण्णो, एस चेव वत्तव्वया, नवरं-कालादेसेणं
जहण्णेणं तेत्तीसं सागरोवमाइं पुवकोडीए अब्भहियाइं, उक्कोसेण वि तेत्तीसं सागरोवमाइं पुव्वकोडीए अभहियाइं एवतियं कालं सेवेज्जा, एवतियं कालं
गतिरागति करेज्जा ३ । एते चेव तिण्णि गमगा, सेसा न भण्णंति ।। ३१४. सेवं भंते ! सेवं भंते ! त्ति ॥
बावीसइमो उद्देसो ३१५. वाणमंतरा णं भंते ! कमोहितो उववज्जति-कि नेरइएहितो उववज्जति ?
तिरिक्ख० ? एवं जहेव' नागकुमारउद्देसए असण्णी तहेव निरवसेसं ॥ ३१६. जइ सण्णिपंचिदिय तिरिक्खजोणिएहितो उववज्जति-कि संखेज्जवासाउय.?
असंखेज्जवासाउय?
१. भ० २४।१४३, १४४ । २. सं० पा०-सण्णिपंचिदिय जाव असंखेज्जवासाउय ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |