Page Text
________________
८६०
भगवई २६६. रयणप्पभपुढविनेरइए णं भंते ! से भविए मणुस्सेसु उववज्जित्तए, से णं भंते !
केवतिकालद्वितीएसु उववज्जेज्जा ? गोयमा ! जहण्णेणं मासपुहत्तद्वितीएसु, उक्कोसेणं पुव्वकोडिगाउएसु । अवसेसा वत्तव्वया जहा' पंचिदियतिरिक्खजोणिएसु उववज्जंतस्स तहेव, नवरं-परिमाणे जहण्णेणं एक्को वा दो वा तिण्णि वा, उक्कोसेणं संखेज्जा उववज्जति । जहा तहिं अंतोमुहुत्तेहि तहा इहं मासपुहत्तेहि संवेहं करेज्जा । सेसं तं चेव १-६। जहा रयणप्पभाए 'तहा सक्करप्पभाए वि वत्तव्वया', नवरं-जहण्णेणं वासपुहत्तद्वितीएसु, उक्कोसेणं पुव्वकोडी आउएसु । अोगाहणा-लेस्सा-नाणद्विती-अणुबंध-संवेह-नाणत्तं च जाणेज्जा जहेव' तिरिक्खजोणियउद्देसए । एवं
जाव तमापुढविनेरइए। २६७. जइ तिरिक्खजोणिएहितो उववज्जंति -कि एगिदियतिरिक्खजोणिएहितो
उववज्जति जाव पंचिदियतिरिक्खजोणिएहितो उववज्जति ? गोयमा ! एगिदियतिरिक्खजोणिएहितो भेदो जहा पंचिदियतिरिक्खजोणिय
उद्देसए, नवरं- तेउ-वाऊ पडिसेहेयव्वा । सेसं तं चेव । जाव२६८. पढविक्काइए णं भंते ! जे भविए मणस्सेस् उववज्जित्तए, से णं भंते ! केवति
कालद्वितीएसु उववज्जेज्जा ? गोयमा ! जहण्णेणं अंतोमुहुत्तद्वितीएसु उक्कोसेणं पुव्वकोडीग्राउएसु उवव
ज्जेज्जा ॥ २६६. ते णं भंते ! जीवा एगसमएणं केवतिया उववज्जति ? एवं जहेव पंचिदिय
तिरिक्खजोणिएसु उववज्जमाणस्स पुढविक्काइयस्स वत्तव्वया सा चेव इह वि उववज्जमाणस्स भाणियव्वा' नवसु वि गमएसू, नवरं-ततिय-छट्ठ-नवमेसु गमएस परिमाणं जहण्णणं एक्को वा दो वा तिणि वा, उक्कोसेणं संखेज्जा उववज्जति । जाहे अप्पणा जहण्णकालद्वितीओ भवति ताहे पढमगमए अज्झवसाणा पसत्था वि अप्पसत्था वि बितियगमए अप्पसत्था, ततियगमए पसत्था भवंति । सेसं तं चेव निरवसेसं १-६।। जइ आउक्काइए०? एवं आउक्काइयाण वि । एवं वणस्सइकाइयाण वि । एवं जाव चउरिदियाण वि। असण्णिपंचिदियतिरिक्खजोणिय-सण्णिपंचिदियतिरिजोणिय-असण्णिमणुस्स-सण्णिमणुस्सा य एते सव्वे वि जहा पंचिदियतिरिवख
१. भ० २४१२४०-२४२ । २. वि वत्तव्वया तहा सक्करप्पभाए वि (अ,
क, ब); वि वत्तव्वया तहा सक्करप्पभाए वि वत्तव्वया (स)।
३. भ०२४।२४३ । ४. भ० २४।२४५ । ५. भ० २४।२४७ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |