________________
चवीस इमं सतं (तइओ उद्देसो)
८६७
गोयमा ! जहण्णेणं दस वाससहस्साइं, उक्कोसेणं देसूणाई दो पलिग्रोवमाइं । एवं जहेव असुरकुमारेसु उववज्जमाणस्स वत्तव्वया तहेव इह वि नवसु वि गम
एसु, नवरं-नागकुमारदिति संवेहं च जाणेज्जा। सेसं तं चेव १-६ ॥ १५४. जइ मणुस्सेहितो उववज्जति–किं सण्णिमणुस्सेहिंतो०? असण्णिमणुस्सेहिंतो०?
गोयमा ! सण्णिमणुस्सेहितो, नो असण्णिमणुस्सेहितो, जहा असुरकुमारेसु उव
वज्जमाणस्स जाव'१५५. असंखेज्जवासाउयसण्णिमणुस्से णं भंते ! जे भविए नागकुमारेसु उववज्जि
त्तए, से णं भंते ! केवतिकालद्वितीएस उववज्जेज्जा ? गोयमा ! जहण्णेणं दसवाससहस्साइं, उक्कोसेणं देसूणाई दो पलिनोबमाइं। एवं जहेव' असंखज्जवासाउयाणं तिरिक्खजोणियाणं नागकुमारेसु आदिल्ला तिण्णि गमगा तहेव इमस्स वि, नवरं-पढमबितिएसु गमएसु सरीरोगाहणा जहण्णेणं सातिरेगाइं पंचधणुसयाइं, उक्कोसेणं तिण्णि गाउयाई। तइयगमे प्रोगाहणा जहण्णेणं देसूणाई दो गाउयाई, उक्कोसेणं तिण्णि गाउयाई । सेसं तं
चेव १-३॥ १५६. सो चेव अप्पणा जहण्णकालद्वितीयो जानो, तस्स तिसु वि गमएसु जहा तस्स
चेव असुरकुमारेसु उववज्जमाणस्स तहेव निरवसेसं ४-६ ।। १५७. सो चेव अप्पणा उक्कोसकालद्वितीयो जाओ, तस्स तिसु वि गमएसु जहा तस्स
चेव उक्कोसकालट्ठितियस्स असुरकुमारेसु उववज्जमाणस्स, नवरं-नागकुमार
द्विति संवेहं च जाणेज्जा । सेसं तं चेव ७-६ ॥ १५८. जइ संखेज्जवासाउयसण्णिमणुस्सेहितो उववज्जति-किं पज्जत्तसंखेज्ज ?
अपज्जत्तसंखेज्ज० ?
गोयमा ! पज्जत्तसंखेज्ज, नो अपज्जत्तसंखेज्ज ।। १५६. पज्जत्तसंखेज्जवासाउयसण्णिमणुस्से णं भंते ! जे भविए नागकुमारेसु उववज्जि
त्तए, से णं भंते ! केवतिकालद्वितीएसु उववज्जेज्जा ? गोयमा ! जहण्णेणं दसवाससहस्सद्वितीएसु, उक्कोसेणं देसूणदोपलिग्रोवमट्टितीएसु उववज्जेज्जा । एवं जहेव असुरकुमारेसु उववज्जमाणस्स सच्चेव लद्धी
निरवसेसा नवसु गमएसु, नवरं-नागकुमारट्ठिति संवेहं च जाणेज्जा १-६ ।। १६०. सेवं भंते ! सेवं भंते ! त्ति ।
१. भ० २४।१३५ ।
२. भ०२४।१४७-१४६ ।
Jain Education International
For Private & Personal Use Only
www.jainelibrary.org
