________________
८४६
भगवई
४. जइ असणिपंचिदियतिरिक्खजोणिएहितो उववज्जति -कि जल चरेहितो उव
वज्जति ? थलचरेहितो उववज्जति ? खहचरेहितो उववज्जति ? गोयमा ! जलचरेहितो उववज्जति, थलचरेहिता वि उववज्जति, खहचरे हितो
वि उववज्जति ।। ५. जइ जलचर-थलचर-खहचरेहितो उववज्जति -कि पज्जत्तएहितो उबवज्जति ?
अपज्जत्तहितो उववज्जति?
गोयमा ! पज्जत्तएहिंतो उववज्जति, नो अपज्जत्तएहितो उववज्जति ।। ६. पज्जत्ताअसण्णिपंचिदियतिरिक्खजोणिए णं भंते ! जे भविए नेरइएसु उववज्जि
त्तए, से णं भंते ! कतिसु पुढवीसु उववज्जेज्जा ?
गोयमा ! एगाए रयणप्पभाए पुढवीए उववज्जेज्जा ।। ७. पज्जत्ताग्रसण्णिपंचिदियतिरिक्खजोणिए णं भंते ! जे भविए रयणप्पभाए
पुढवीए नेरइएसु उववज्जित्तए, से णं भंते ! केवतिकालद्वितीएसु उववज्जेज्जा? गोयमा ! जहण्णणं दसवाससहस्सद्वितीएसु, उक्कोसेणं पलिओवमस्स असंखेंज्जइ
भागद्वितीएसु उववज्जेज्जा ।। ८. ते णं भंते ! जीवा एगसमएणं केवतिया उववज्जति ?
गोयमा ! जहणणेणं एक्को वा दो वा तिण्णि वा, उक्कोसेणं संखेज्जा वा असंखेज्जा वा उववज्जति ॥ तेसि णं भंते ! जीवाणं सरीरगा किसंघयणी पण्णत्ता ?
गोयमा ! छेवट्टसंघयणी पण्णत्ता॥ १०. तेसिणं भंते ! जीवाणं केमहालिया सरीरोगाहणा पण्णत्ता ?
गोयमा ! जहण्णणं अंगुलस्स असंखेज्जइभागं, उक्कोसेणं जोयणसहस्सं ।। ११. तेसि णं भंते ! जीवाणं सरीरगा किंसंठिया पण्णत्ता ?
गोयमा ! हुंडसंठिया पण्णत्ता ।। १२. तेंसि णं भंते ! जीवाणं कति लेस्सायो पण्णत्ताओ?
गोयमा ! तिण्णि लेस्सागो पण्णत्ताओ, तं जहा-कण्हलेस्सा, नीललेस्सा,
काउलेस्सा ।। १३. ते णं भंते ! जीवा किं सम्मदिट्ठी ? मिच्छादिट्ठी ? सम्मामिच्छादिट्ठी ?
गोयमा ! नो सम्मदिट्ठी, मिच्छादिट्ठी, नो सम्मामिच्छादिट्ठी ॥ १४. ते णं भंते ! जीवा किं नाणी ? अण्णाणी ?
गोयमा ! नो नाणी, अण्णाणी, नियमा दुअण्णाणी, तं जहा-मइअण्णाणी य, सुयअण्णाणी य॥
१. सरीरा (ता)। २. संघयणा (ख, ता, स)।
३. छेवट्ठ° (ता)। ४. हुंडसंठिया (स)।
Jain Education International
For Private & Personal Use Only
www.jainelibrary.org
