Page Text
________________
वीसइमं सतं (दसमो उद्देसो)
८३१ छक्कसमज्जियादि-पदं १०५. नेरइयाणं भंते ! किं छक्कसमज्जिया ? नोछक्कसमज्जिया ? छक्केण य
नोछक्केण य समज्जिया ? छक्केहि समज्जिया ? छक्केहि य नोछक्केण य समज्जिया ? गोयमा ! नेरइया छक्कसमज्जिया वि, नोछक्कसमज्जिया वि, छक्केण य नोछक्केण य समज्जिया वि, छक्केहि समज्जिया वि, छक्केहि य नोछक्केण य
समज्जिया वि॥ १०६. से केण?णं भंते ! एवं वुच्चइ -नेरइया छक्कसमज्जिया वि जाव छक्केहि य
नोछक्केण य समज्जिया वि ? गोयमा ! जे णं ने रइया छक्कएणं पवेसणएणं पविसंति ते णं ने रइया छक्कसमज्जिया । जे णं नेरइया जहण्णणं एक्केण वा दोहि वा तीहि वा, उक्कोसेणं पंचएणं पवेसणएणं पविसंति ते णं ने रइया नोछक्कसमज्जिया। जे णं नेरइया एगेणं छक्कएणं अण्णण य जहण्णणं एक्केण वा दोहिं वा तीहि वा, उक्कोसेणं पंचएणं पवेसणएणं पविसंति तेणं ने रइया छक्केण य नोछक्केण य समज्जिया। जे ण नेरइया नेगेहिं छक्केहि पवेसणएहि पविसंति ते णं नेरइया छक्केहि समज्जिया। जे णं नेरइया नेगेहि छक्केहि अण्णेण य जहण्णेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं ने रइया छक्केहि य नोछक्केण य समज्जिया । से तेणटेणं तं चेव जाव समज्जिया वि । एवं जाव
थणियकुमारा ।। १०७. पुढविक्काइयाणं--पुच्छा।।
गोयमा ! पुढविक्काइया नो छक्कसमज्जिया, नो नोछक्कसमज्जिया, नो छक्केण य नोछक्केण य समज्जिया, छक्केहिं समज्जिया, छक्केहि य नोछक्केण
य समज्जिया वि।। १०८. से केणटेणं जाव समज्जिया वि ?
गोयमा ! जे णं पुढविक्काइया नेगेहि छक्कए हि पवेसणएहिं पविसंति ते णं पुढविक्काइया छक्केहि समज्जिया । जे णं पुढविक्काइया नेगेहि छक्कएहि य अण्णेण य जहणणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं पुढविक्काइया छक्केहि य नोछक्केण य समज्जिया । से तेणटेणं जाव समज्जिया वि । एवं जाव वणस्सइकाइया । बेंदिया जाव वेमाणिया,
सिद्धा जहा नेरइया । १०६. एएसि णं भंते ! नेरइयाणं छक्कसमज्जियाणं, नोछक्कसमज्जियाणं, छक्कण
य नोछक्केण य समज्जियाणं, छक्केहि समज्जियाणं, छक्केहि य नोछक्केण य १. पवेसणएणं (अ, क, व, स); पवेसणगं (ख, म)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |