________________
८०४
भगवई गोयमा ! दुविहा उवरोगनिव्वत्ती पण्णत्ता, तं जहा- सागारोवनोगनिव्वत्ती,
अणागारोवोगनिव्वत्ती । एवं जाव वेमाणियाणं'। १०१. सेवं भंते ! सेवं भंते ! त्ति ।।
नवमो उद्देसो करण-पदं १०२. कतिविहे णं भंते ! करणे पण्णत्ते ?
गोयमा ! पंचविहे करणे पण्णत्ते, तं जहा-दव्वकरणे, खेत्तकरणे, कालकरणे,
भवकरणे, भावकरणे॥ १०३. नेरइयाणं भंते ! कतिविहे करणे पण्णत्ते ?
गोयमा ! पंचविहे करणे पण्णत्ते, तं जहा-दव्वकरणे जाव भावकरणे। एवं
'जाव वेमाणियाणं ।। १०४. कति विहे णं भंते ! सरीरकरणे पण्णत्ते ?
गोयमा ! पंचविहे सरीरकरणे पण्णत्ते, तं जहा --ओरालियसरीरकरणे जाव
कम्मासरीरकरणे । एवं जाव वेमाणियाणं, जस्स जति सरीराणि ॥ १०५. कतिविहे णं भंते ! इंदियकरणे पण्णत्ते ?
गोयमा ! पंचविहे इंदियकरणे पण्णत्ते, तं जहा-सोइंदियकरणे जाव फासिंदियकरणे। एवं जाव वेमाणियाणं, जस्स जति इंदियाई। एवं एएणं कमेणं भासाकरणे चउव्विहे, मणकरणे चउव्विहे, कसायकरणे चउव्विहे, समुग्धायकरणे सत्तविहे, सण्णाकरणे चउव्विहे, लेसाकरणे छव्विहे, दिट्ठीकरणे तिविहे, वेदकरणे तिविहे पण्णत्ते, तं जहा-इत्थिवेदकरणे, पुरिसवेदकरणे, नपुंसगवेदकरणे । एए सव्वे नेरइयादी दंडगा जाव वेमाणियाणं, जस्स जं अत्थि तं तस्स
सव्वं भाणियव्वं ।। १०६. कतिविहे णं भंते ! पाणाइवायकरणे पण्णत्ते ?
१. अतोने 'अ, क, ब, स' प्रतिषु सङ्गहणीगाथे
दृश्येतेजीवाणं निव्वत्ती, कम्मप्पगडी सरीरनिव्वत्ती। सविदियनिव्यत्ती,
भासा य मणे कसाया य ॥१॥ वण्ण रस गध फासे, संठाणविही य होइ बोद्धव्वा। लेसा ट्ठिी नाणे, उवओगे चेव जोगे य ॥२॥
Jain Education International
For Private & Personal Use Only
www.jainelibrary.org
