________________
८०२
भगवई गोयमा ! अढविहा कम्मनिव्वत्ती पण्णत्ता, तं जहा -नाणावरणिज्जकम्म
निव्वत्ती जाव अंतराइयकम्मनिव्वत्ती। एवं जाव वेमाणियाणं ।। ८२. कतिविहा णं भंते ! सरीरनिव्वत्ती पण्णत्ता ?
गोयमा ! पंचविहा सरीरनिव्वत्ती पण्णत्ता, तं जहा-ओरालियसरीरनिव्वत्ती
जाव कम्मासरीरनिव्वत्ती ॥ ८३. नेरइयाणं भंते ! कतिविहा सरीरनिव्वत्ती पण्णत्ता? एवं चेव । एवं जाव
वेमाणियाणं, नवरं-नायव्वं जस्स जइ सरीराणि ।। ८४. कतिविहा णं भंते ! सव्विदियनिव्वत्ती पण्णत्ता ?
गोयमा ! पंचविहा सव्विदियनिव्वत्ती पण्णत्ता, तं जहा-सोइंदियनिव्वत्ती
जाव फासिदियनिव्वत्ती । एवं' नेरइयाणं जाव थणियकुमाराणं ।। ८५. पुढविकाइयाणं-पुच्छा।
गोयमा ! एगा फासिदियनिव्वत्ती पण्णत्ता। एवं जस्स 'जति इंदियाणि जाव
वेमाणियाणं ॥ ८६. कतिविहा णं भंते ! भासानिव्वत्ती पण्णत्ता ?
गोयमा ! चउविवहा भासानिव्वत्ती पण्णत्ता, तं जहा-सच्चभासानिव्वत्ती, मोसमासानिव्वत्ती, सच्चामोसभासा निव्वत्ती, असच्चामोसमासानिव्वत्ती।
एवं एगिदियवज्जं जस्स जा भासा जाव वेमाणियाणं ॥ ५७. कतिविहा णं भंते ! मणनिव्वत्ती पण्णत्ता?
गोयमा ! चउव्विहा मणनिव्वत्ती पण्णत्ता तं जहा—सच्चमणनिव्वत्ती जाव
असच्चामोसमणनिव्वत्ती । एवं एगिदियविलिदियवज्जं जाव वेमाणियाणं ।। ८८. कतिविहा ण भंते ! कसायनिव्वत्ती पण्णत्ता ?
गोयमा ! चउव्विहा कसायनिव्वत्ती पण्णत्ता, तं जहा–कोहकसायनिव्वत्ती
जाव लोभकसायनिव्वत्ती। एवं जाव वेमाणियाणं ॥ ८६. कतिविहा णं भंते ! वण्ण निव्वत्ती पण्णत्ता ?
गोयमा ! पंचविहा वण्णनिव्वत्ती तं जहा-कालावण्णनिव्वत्ती जाव सुक्किलावण्णनिव्वत्ती। एवं निरवसेसं जाव वेमाणियाणं । एवं गंधनिव्वत्ती दुविहा जाव वेमाणियाणं । रसनिव्वत्ती पंचविहा जाव वेमाणियाणं । फासनिव्वत्ती
अट्ठविहा जाव वेमाणियाणं ॥ ६०. कतिविहा णं भंते ! संठाणनिव्वत्ती पण्णत्ता?
गोयमा ! छव्विहा संठाणनिव्वत्ती पण्णत्ता, तं जहा-समचउरंससंठाणनिव्वत्ती जाव हुंडसंठाण निव्वत्ती ।।
१. एवं जाव (अ, क, ख, ता, ब, म, स)।
२. जर्दिदियाणि (ता)।
Jain Education International
www.jainelibrary.org
For Private & Personal Use Only
