________________
८००
भगवई
छट्ठो उद्देसो दीवसमुद्द-पदं ६५. कहि णं भंते ! दीवसमुद्दा ? केवतिया णं भंते ! दीवसमुद्दा ? किसंठिया णं
भंते ! दीवसमुद्दा ? एवं जहा जोवाभिगमे दीवसमुदुद्देसो सो चेव इह वि जोइसमंडिउद्देसगवज्जो' भाणियव्वो जाव परिणामो, जीवउववाओ जाव'
अणंतखुत्तो॥ ६६. सेवं भंते ! सेवं भंते ! त्ति ।।
सत्तमो उद्देसो असुरकुमारादीणं भवणादि-पदं ६७. केवतिया णं भंते ! असुरकुमारभवणावाससयसहस्सा पण्णत्ता ?
गोयमा! चोयदि असुरकूमारभवणावाससयसहस्सा पण्णत्ता ।। ६८. ते णं भंते ! किमया पण्णत्ता ?
गोयमा ! सव्वरयणामया अच्छा सण्हा जाव' पडिरूवा। तत्थ णं बहवे जीवा य पोग्गला य वक्कमंति, विउक्कमंति, चयंति, उववज्जति । सासया णं ते भवणा दव्वट्टयाए, वण्णपज्जवेहि जाव' फासपज्जवेहि असासया। एवं जाव
थणियकुमारावासा ॥ ६६. केवतिया णं भंते ! वाणमंतरभोमेज्जनगरावाससयसहस्सा पण्णत्ता ?
गोयमा ! असंखेज्जा वाणमंतरभोमेज्जनगरावाससयसहस्सा पण्णत्ता ॥ ७०. ते णं भंते ! किमया पण्णत्ता ? सेसं तं चेव ॥ ७१. केवतिया णं भंते ! जोइसियविमाणावाससयसहस्सा पण्णत्ता ?
गोयमा ! असंखेज्जा जोइसियविमाणावाससयसहस्सा पण्णत्ता ।। ७२. ते णं भंते ! किमया पण्णत्ता ?
गोयमा ! सव्वफालिहामया अच्छा, सेसं तं चेव ।।
१. जोइसियमंडि ° (क, स)। २. जी० ३। ३. चोवट्ठि (क, ता); चउट्टि (स)।
४. भ० २।११८ । ५. भ० २।४७ ।
Jain Education International
For Private & Personal Use Only
www.jainelibrary.org
