________________
७८२
भगवई
१७२. गोयमादी ! समणे भगवं महावीरे भगवं गोयमं एवं वयासी-सुठ्ठ णं
तुमं गोयमा ! ते अण्णउत्थिए एवं वदासी, साहु णं तुमं गोयमा ! ते अण्णउत्थिए एवं वदासी। अत्थि णं गोयमा ! ममं बहवे अंतेवासी समणा निग्गंथा छउमत्था, जे णं नो पभू एयं वागरणं वागरेत्तए, जहा णं तुमं । तं सुठ्ठ णं तुमं गोयमा ! ते अण्णउत्थिए एवं वयासी, साहु णं तुमं गोयमा ! ते अण्ण
उत्थिए एवं वयासी ॥ १७३. तए णं भगवं गोयमे समणेणं भगवया महावीरेणं एवं वुत्ते समाणे हट्टतुट्टे समणं
भगवं महावीरं वंदइ नमसइ, वंदित्ता नमंसित्ता एवं वयासीपरमाणुपोग्गलादीणं जाणंणा-पासणा-पदं १७४. छउमत्थे णं भंते ! मणुस्से' परमाणुपोग्गलं किं जाणति-पासति ? उदाहु न
जाणति न पासति ?
गोयमा ! अत्थेगतिए जाणति न पासति, अत्थेगतिए न जाणति न पासति ॥ १७५. छउमत्थे णं भंते ! मणुस्से दुपएसियं खंधं कि जाणति-पासति ? उदाहु न
जाणति न पासति ? गोयमा ! अत्थेगतिए जाणति न पासति, अत्थेगतिए न जाणति न पासति । '
एवं जाव असंखेज्जपएसियं ।। १७६. छउमत्थे णं भंते ! मणुस्से अणंतपएसियं खंधं कि "जाणति-पासति ? उदाह
न जाणति न पासति ? गोयमा ! अत्थेगतिए जाणति-पासति, अत्थेगतिए जाणति न पासति, अत्थे
गतिए न जाणति पासति, अत्थेगतिए न जाणति न पासति ।। १७७. पाहोहिए णं भंते ! मणुस्से परमाणुपोग्गलं किं जाणति-पासति ? उदाहु न
जाणति न पासति ? जहा छ उमत्थे एवं पाहोहिए वि जाव अणंतपएसियं ।। १७८. परमाहोहिए णं भंते ! मणुस्से परमाणुपोग्गलं जं समयं जाणति तं समयं
पासति ? जं समयं पासति तं समयं जाणति ?
नो इणढे समढें ॥ १७९. से केणद्वेणं भंते ! एवं वुच्चइ-परमाहोहिए णं मणुस्से परमाणुपोग्गलं जं
समयं जाणति नो तं समयं पासति ? जं समयं पासति नो तं समयं जाणति ? गोयमा ! सागारे से नाणे भवइ, अणागारे से दंसणे भवइ । से तेणटेणं *गोयमा ! एवं वुच्चइ-परमाहोहिए णं मणुस्से परमाणुपोग्गलं जं समयं
१. मणूसे (अ, क, ता, ब, म) २. सं० पा०--एवं चेव । ३. सं० पा०--पुच्छा।
४. अहोहिए (ख, स)। ५. सं० पा०-तेणटेणं जाव नो।
Jain Education International
For Private & Personal Use Only
www.jainelibrary.org
