________________
७७४
भगवई
गोयमा ! एगे कायपणिहाणे पण्णत्ते । एवं जाव वणस्सइकाइयाणं ।। १२८. बेइंदियाणं-पुच्छा।
गोयमा ! दुविहे पणिहाणे, पण्णते तं जहा - वइपणिहाणे य, कायपणिहाणे
य। एवं जाव चरिदियाणं । सेसाणं तिविहे वि जाव वेमाणियाणं ॥ १२६. कतिविहे णं भंते ! दुप्पणिहाणे पण्णत्ते ?
गोयमा ! तिविहे दुप्पणिहाणे पण्णत्ते, तं जहा-मणदुप्पणिहाणे, जहेव पणिहा
णेणं दंडगो भणियो तहेव दुप्पणिहाणेण वि भाणियव्वो । १३०. कतिविहे णं भंते ! सुप्पणिहाणे पण्णत्ते ?
गोयमा ! तिविहे सुप्पणिहाणे पण्णत्ते, तं जहा-मणसुप्पणिहाणे, वइसुप्प
णिहाणे, कायसुप्पणिहाणे॥ १३१. मणुस्साणं भंते ! कतिविहे सुप्पणिहाणे पण्णत्ते ? एवं चेव ।। १३२. सेवं भंते ! सेवं भंते ! त्ति जाव' विहरइ।। १३३. तए णं समणे भगवं महावीरे' 'अण्णया कयाइ रायगिहायो नगरानो गुणसि
लामो चेइयानो पडिनिवखमति, पडिनिक्खमित्ता° बहिया जणवयविहारं
विहरइ ।। कालोदाइ-पभितीणं पंचस्थिकाए संदेह-पदं १३४. तेणं कालेणं तेणं समएणं रायगिहे नामं नगरे । गुणसिलए चेइए–वण्णो जाव
पुढविसिलापट्टयो। तस्स णं गुणसिलस्स चेइयस्स अदूरसामंते बहवे अण्णउत्थिया परिवसंति, तं जहा-कालोदाई, सेलोदाई, सेवालोदाई, उदए,
नामुदए, नम्मुदए, अण्णवालए, सेलवालए, संखवालए, सुहत्थी गाहावई ॥ १३५. तए णं तेसिं अण्णउत्थियाणं अण्णया कयाइ एगयो सहियाणं समुवागयाणं
सण्णिविट्ठाणं सण्णिसण्णाणं अयमेयारूवे मिहोकहासमुल्लावे समुप्पज्जित्थाएवं खलु समणे नायपुत्ते पंच अत्थिकाए पण्णवेति, तं जहा-धम्मत्थिकायं जाव पोग्गलत्थिकायं। तत्थ णं समणे नायपुत्ते चत्तारि अस्थिकाए अजीवकाए पण्णवेति, तं जहाधम्मत्थिकायं, अधम्मत्थिकायं, अागासत्थिकायं, पोग्गलत्थिकायं। एगं च णं समणे नायपुत्ते जीवत्थिकायं अरूविकायं जीवकायं पण्णवेति।। तत्थ णं समणे नायपुत्ते चत्तारि अस्थिकाए अरूविकाए पण्णवेति, तं जहाधम्मत्थिकायं, अधम्मत्थिकायं, आगासस्थिकायं, जीवत्थिकायं । एगं च णं
१. भ. ११५१ । २. सं. पा.-महावीरे जाव बहिया ।
३. सं० पा०- एवं जहा सत्तमसए अण्णउत्थिय
उद्देसए जाव से।
Jain Education International
For Private & Personal Use Only
www.jainelibrary.org
