________________
७७०
भगवई
१०३.
गोयमा ! नेरइयाउयं पडिसंवेदेति, पंचिंदियतिरिक्खजोणियाउए से पुरो कडे चिट्ठति । एवं मणुस्सेसु वि, नवरं-मणुस्साउए से पुरओ कडे चिट्ठति ॥ असुरकुमारे णं भंते ! अणंतरं उव्वट्टित्ता जे भविए पुढविकाइएसु उववज्जित्तए, ' से णं भंते ! कयरं आउयं पडिसंवेदेति ? गोयमा ! असुरकुमाराव्यं पडिसंवेदेति, पुढविकाइयाउए से पुरो कडे चिट्ठति । एवं जो जहिं भविप्रो उववज्जित्तए तस्स तं पुरो कडं चिट्ठति, जत्थ ठिो तं पडिसंवेदेति जाव वेमाणिए, नवरं-पुढविकाइए पुढविकाइएस उववज्जति, पुढविकाइयाउयं पडिसंवेदेति, अण्णे य से पुढविकाइयाउए पुरो
कडे चिट्ठति । एवं जाव मणुस्सो सट्टाणे उववाएतव्वो, परट्ठाणे तहेव ।। असुरकुमारादीणं विउव्वणा-पदं १०४. दो भंते ! असुरकुमारा एगंसि असुरकुमारावासंसि असुरकुमारदेवत्ताए उव
वन्ना । तत्थ णं एगे असुरकुमारे देवे उज्जुयं विउव्विस्सामीति उज्जुयं विउव्वइ, वंक विउव्विस्सामीति वंक विउव्वइ, जं जहा इच्छइ तं तहा विउव्वइ । एगे असुरकुमारे देवे उज्जुयं विउव्विस्सामीति वंक विउव्वइ, वंक विउव्विस्सामीति उज्जुयं विउव्वइ, जं जहा इच्छति नो तं तहा विउव्वइ, से कहमेयं भंते ! एवं ? गोयमा ! असुरकुमारा देवा दुविहा पण्णत्ता, तं जहा–मायिमिच्छदिट्ठी उववन्नगा य, अमायिसम्मदिट्ठीउववन्नगा य । तत्थ णं जे से मायिमिच्छदिदि उववन्नए असुरकुमारे देवे से णं उज्जुयं विउव्विस्सामीति वंकं विउव्वइ जाव नो तं तहा विउव्वइ । तत्थ णं जे से प्रमायिसम्मदिट्टिउववन्नए असुरकुमारे देवे से
णं उज्जुयं विउव्विस्सामीति उज्जुयं विउव्वइ जाव' तं तहा विउव्वइ ।। १०५. दो भंते ! नागकुमारा० ? एवं चेव । एवं जाव थणियकुमारा। वाणमंतर
जोइसिय-वेमाणिया एवं चेव ॥ १०६. सेवं भंते ! सेवं भंते ! त्ति ॥
छट्ठो उद्देसो नेच्छइय-ववहार-नय-पदं १०७. फाणियगुले णं भंते ! कतिवण्णे कतिगंधे कतिरसे कतिफासे पण्णत्ते ?
१. सं० पा० -पुच्छा।
२. भ० ११५१ ।
Jain Education International
For Private & Personal Use Only
www.jainelibrary.org
