________________
७६८
भगवई
६१. नेरइया णं भंते ! कि कडजुम्मा ? तेयोगा? दावरजुम्मा ? कलिगोगा?
गोयमा ! जहण्णपदे कडजुम्मा, उक्कोसपदे तेयोगा, अजहण्णुक्कोसपदे सिय
कडजुम्मा जाव सिय कलियोगा । एवं जाव थणियकुमारा। ६२. वणस्सइकाइया णं--पूच्छा ।।
गोयमा ! जहण्णपदे अपदा, उक्कोसपदे य अपदा, अजहण्णुक्कोसपदे सिय
कडजुम्मा जाव सिय कलिगोगा । ६३. बेंदिया' णं--पुच्छा।
गोयमा ! जहण्णपदे कडजुम्मा, उक्कोसपदे दावरजुम्मा, अजहण्णमणुक्कोसपदे सिय कडजुम्मा जाव सिय कलियोगा। एवं जाव चरिदिया। सेसा एगिदिया जहा बेंदिया। पंचिंदियतिरिक्खजोणिया जाव वेमाणिया जहा नेरइया । सिद्धा
जहा वणस्सइकाइया ।। १४. इत्थीयो णं भंते ! कि कडजुम्मा-पुच्छा।
गोयमा ! जहण्णपदे कडजुम्मायो, उक्कोसपदे कडजुम्मायो, अजहण्णमणुक्कोसपदे सिय कडजुम्मायो जाव सिय कलियोगायो। एवं असुरकुमारित्थीयो वि जाव थणियकुमारित्थीओ । एवं तिरिक्खजोणित्थीओ, एवं मणु सित्थीओ, एवं
वाणमंतर-जोइसिय-वेमाणियदेवित्थीयो ।। अंधगवण्हिजीवाणं वर-पर-पदं ६५. जावतिया णं भंते ! वरा अंधगवण्हिणो जीवा तावतिया परा अंधगवण्हिणो
जीवा? हंता गोयमा ! जावतिया वरा अंधगवण्हिणो जीवा तावतिया परा अंधग
वण्हिणो जीवा ॥ १६. सेवं भंते ! सेवं भंते ! त्ति' ।।
पंचमो उद्देसो वेउव्वियावेउब्विय-असुरकुमारादि-पदं ६७. दो भंते ! असुरकुमारा एगंसि असुरकुमारावासंसि असुरकुमारदेवत्ताए
उववन्ना, तत्थ णं एगे असुरकुमारे देवे पासादीए दरिसणिज्जे अभिरूवे पडिरूवे, एगे असुरकुमारे देवे से णं नो पासादीए नो दरिसणिज्जे नो अभिरूवे नो
पडिरूवे, से कहमेयं भंते ! एवं ? १. बेइंदिया (अ)।
२. भ० ११५१ ।
Jain Education International
For Private & Personal Use Only
www.jainelibrary.org
