Page Text
________________
७६२
भगवई
महावीरस्स' अंतेवासी मागंदियपुत्ते नामं अणगारे पगइभद्दए-जहा मंडियपुत्ते
जाव पज्जुवासमाणे एवं वयासी५७. से नणं भंते ! काउलेस्से पुढविकाइए काउलेस्सेहितो पुढविकाइएहितो अणंतरं
उव्वट्टित्ता माणुसं विग्गहं लभति, लभित्ता केवलं वोहिं बुज्झति, बुज्झित्ता तो पच्छा सिज्झति जाव' सव्वदुक्खाणं अंतं करेति ?
हंता मागंदियपुत्ता ! काउलेस्से पुढविकाइए जाव सव्वदुक्खाणं अंतं करेति ।। ५८. से नणं भंते ! काउलेस्से ग्राउकाइए काउलेस्सहिंतो पाउकाइएहितो अणंतरं
उव्वट्टित्ता माणुसं विग्गहं लभति, लभित्ता केवलं बोहिं बुज्झति जाव सव्वदुक्खाणं अंतं करेति ?
हंता मागंदियपुत्ता ! जाव सव्वदुक्खाणं अंतं करेति ।। ५६. से नणं भंते ! काउलेस्से वणस्सइकाइए " काउलेसेहितो वणस्सइकाइएहितो
अणंतरं उव्वट्टित्ता माणुसं विग्गहं लभति, लभित्ता केवलं बोहिं बुज्झति, बुज्झित्ता तो पच्छा सिझति जाव सव्वदुक्खाणं अंतं करेति ?
हंता मागंदियपुत्ता ! ० जाव सव्वदुक्खाणं अंतं करेति ।। ६०. सेवं भंते ! सेवं भंते ! त्ति मागंदियपत्ते अणगारे समणं भगवं महावीरं वंदड
नमसइ, वंदित्ता नमंसित्ता जेणेव समणा निग्गंथा तेणेव उवागच्छति, उवागच्छित्ता समणे निग्गंथे एवं वयासी-एवं खलु अज्जो ! काउलेस्से पुढविकाइए तहेव जाव सव्वदुक्खाणं अंतं करेति । एवं खलु अज्जो ! काउलेस्से आउक्काइए तहेव जाव सव्वदुक्खाणं अंतं करेति। एवं खलु अज्जो ! काउलेस्से वणस्सइ
काइए तहेव जाव सव्वदुक्खाणं अंतं करेति ॥ ६१. तए णं ते समणा निग्गंथा मागंदियपुत्तस्स अणगारस्स एवमाइक्खमाणस्स जाव
एवं परूवेमाणस्स एयमटुं नो सद्दहति नो पत्तियंति नो रोएंति, एयमद्रं असहहमाणा अपत्तियमाणा अरोएमाणा जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं वंदंति नमसंति, वंदित्ता नमंसित्ता एवं वयासी–एवं खलु भंते ! मागंदियपुत्ते अणगारे अम्हं एवमाइक्खति जाव परूवेति-एवं खलु अज्जो ! काउलेस्से पुढविकाइए जाव सव्वदुक्खाणं अंतं करेति । एवं खलु अज्जो ! काउलेस्से आउक्काइए जाव सव्वदुक्खाणं अंतं करेति ! एवं खलु अज्जो ! काउलेस्से वणस्सइकाइए वि जाव सव्वदुक्खाणं
अंतं करेति ।। ६२. से कहमेयं भंते ! एवं ?
१. महावीरस्स जाव (स)। २. भ० ३।१३४; ११२८८, २८६ । ३. भ० ११४४ ।
४. काउलेसे (अ, स)। ५. सं० पा०-एवं चेव जाव । ६. सं० पा०--महावीरं जाव नमंसित्ता।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |