Page Text
________________
अट्ठारसमं सतं (पढमो उद्देसो)
७५५ अणाहारगा णं भंते ! जीवा अणाहारभावेणं-पुच्छा । गोयमा ! पढमा वि, अपढमा वि। नेरइया जाव वेमाणिया नो पढमा, अपढमा । सिद्धा पढमा, नो अपढमा-एक्केक्के पुच्छा भाणियव्वा ।। भवसिद्धीए एगत्त-पुहत्तेणं जहा आहारए, एवं अभवसिद्धीए वि । नोभवसिद्धीयनोप्रभवसिद्धीए णं भंते ! जीवे नोभवसिद्धीय-नोग्रभवसिद्धीयभावेणं-पुच्छा। गोयमा ! पढमे, नो अपढमे । नोभवसिद्धीय-नोग्रभवसिद्धीए णं भंते ! सिद्धे
नोभवसिद्धीय-नोग्रभवसिद्धीयभावेणं-पच्छा । एवं पहत्तण वि दोन वि॥ १०. सण्णी णं भंते ! जीवे सण्णीभावेणं किं पढमे
गोयमा ! नो पढमे, अपढमे । एवं विगलिदियवज्जं जाव' वेमाणिए । एवं पुहत्तेण वि । असण्णी एवं चेव एगत्त-पुहत्तेणं, नवरं जाव वाणमंतरा। नोसण्णीनोअसण्णी जीवे मणुस्से सिद्धे पढमे, नो अपढमे । एवं पुहत्तेण वि । सलेसे णं भंते ! - पच्छा । गोयमा ! जहा आहारए, एवं पुहत्तेण वि । कण्हलेस्सा जाव सुक्कलेस्सा एवं चेव, नवरं-जस्स जा लेसा अस्थि । अलेसे णं जीव-मणुस्स-सिद्धे जहा नोसण्णी-नो असण्णी॥ २. सम्मदिट्ठीए णं भंते ! जीवे सम्मदिद्विभावेणं किं पढमे ---पुच्छा।
गोयमा ! सिय पढमे, सिय अपढमे । एवं एगिदियवज्ज जाव वेमाणिए । सिद्धे पढमे, नो अपढमे। पुहत्तिया जीवा पढमा वि, अपढमा वि। एवं जाव वेमाणिया । सिद्धा पढमा, नो अपढमा। मिच्छादिट्ठीए एगत्त-पुहत्तेणं जहा पाहारगा। सम्मामिच्छदिट्ठी एगत्त-पुहत्तेणं जहा सम्मदिट्ठी, नवरं--जस्स
अत्थि सम्मामिच्छत्तं ॥ १३. संजए जीवे मणुस्से य एगत्त-पुहत्तेणं जहा सम्मदिट्ठी । असंजए जहा पाहारए।
संजयासंजए जीवे पंचिदियतिरिक्खजोणिय-मणुस्सा एगत्त-पुहत्तेणं जहा सम्मदिट्ठी । नोसंजए नो अस्संजए नोसंजयासंजए जोवे सिद्धे य एगत्त-पहत्तेणं
पढमे, नो अपढमे ॥ १४. सकसायी, कोहकसायी जाव लोभकसायी-एए एगत्त-पुहत्तेणं जहा आहारए।
अकसायी जीवे सिय पढमे, सिय अपढमे । एवं मणुस्से वि । सिद्धे पढमे, नो अपढमे । पुहत्तेणं जीवा मणुस्सा वि पढमा वि अपढमा वि । सिद्धा पढमा,
नो अपढमा ।। १५. नाणी एगत्त-पुहत्तेणं जहा सम्मदिट्ठी। आभिणिबोहियनाणी जाव मणपज्जव
नाणी एगत्त-पुहत्तेणं एवं चेव, नवरं-जस्स जं अत्थि। केवलनाणी जीवे मणुस्से सिद्धे य एगत्त-पुहत्तेणं पढमा, नो अपढमा । अण्णाणी, मइअण्णाणी, सुयअण्णाणी, विभंगनाणी य एगत्त-पुहत्तेणं जहा आहारए ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |