________________
७४८
भगवई
५३. सा भंते ! कि अत्तकडा कज्जइ ? परकडा कज्जइ ? तदुभयकडा कज्जइ ?
गोयमा ! अत्तकडा कज्जइ, नो परकडा कज्जइ, नो तदुभयकडा कज्जइ ।। ५४. सा भंते ! किं आणुपुट्वि' कडा कज्जइ ? अणाणुपुनि कडा कज्जइ ?
गोयमा आणुपुवि कडा कज्जइ, नो अणाणुपुवि कडा कज्जइ। जा य कडा कज्जइ, जा य कज्जिस्सइ, सव्वा सा प्राणुपुव्वि कडा, नो प्रणाणपूव्वि कडा ति वत्तव्वं सिया। एवं जाव वेमाणियाणं, नवरं-जीवाणं एगिदियाण य निव्वाघाएणं छद्दिसिं, वाघायं पडुच्च सिय तिदिसि, सिय चउदिसिं, सिय पंच
दिसि । सेसाणं नियम छद्दिसि ॥ ५५. अत्थि णं भंते ! जीवाणं मुसावाएणं किरिया कज्जइ ?
हंता अत्थि ॥ ५६. सा भंते ! किं पुट्ठा कज्जइ ? अपुट्ठा कज्जइ ?
जहा पाणाइवाएणं दंडगो एवं मुसावाएण वि । एवं प्रदिन्नादाणेण वि, मेहुणेण'
वि, परिग्गहेण वि । एवं एते पंच दंडगा॥ ५७. जं समयं णं भंते ! जीवाणं पाणाइवाएणं किरिया कज्जइ सा भंते ! कि पृट्टा
कज्जइ ? अपुट्ठा कज्जइ ? एवं तहेव जाव' वत्तव्वं सिया जाव' वेमाणियाणं ।
एवं जाव परिग्गहेणं । एवं एते वि पंच दंडगा। ५८. जं देसं णं भंते ! जीवाणं पाणाइवाएणं किरिया कज्जइ ? एवं चेव जाव
परिग्गहेणं । एते वि पंच दंडगा ॥ ५६. जंपएसं णं भंते ! जीवाणं पाणातिवाएणं किरिया कज्जइ सा भंते ! किं पुट्टा
कज्जइ ? एवं तहेव दंडअो । एवं जाव परिग्गहेणं । एवं एते वीसं दंडगा।
दुक्ख-वेदणा-पदं
६०. जीवाणं भंते ! किं अत्तकडे दुक्खे ? परकडे दुक्खे ? तदुभयकडे दुक्खे ?
गोयमा ! अत्तकडे दुक्खे, नो परकडे दुक्खे, नो तदुभयकडे दुक्खे । एवं जाव
वेमाणियाणं॥ ६१. जीवा णं भंते ! किं अत्तकडं दुक्खं वेदेति ? परकडं दुक्खं वेदेति ? तदुभयकडं
दुक्खं वेदेति ? गोयमा ! अत्तकडं दुक्खं वेदेति, नो परकडं दुक्खं वेदेति, नो तदुभयकडं दुक्खं
वेदेति । एवं जाव वेमाणियाणं ॥ ६२. जीवाणं भंते ! किं अत्तकडा वेयणा ? परकडा वेयणा ? "तदुभयकडा
वेयणा ?
१. मेधुणेण (ब)। २. १७३५१-५४।
३. सं० पा०—पुच्छा।
Jain Education International
For Private & Personal Use Only
www.jainelibrary.org
