Page Text
________________
७४३
सत्तरसमं सतं (बीओ उद्देसो) २६. पंचिंदियतिक्ख जोणियाणं-पुच्छा।
गोयमा ! पंचिदियतिरिक्खजोणिया बाला, नो पंडिया, बालपंडिया वि।
मणुस्सा जहा जीवा । वाणमंतर-जोइसिय-वेमाणिया जहा नेरइया ।। जीवस्स जीवायाए एगत्त-पदं ३०. अण्णउत्थिया णं भंते ! एवमाइक्खंति जाव परूवेंति-एवं खलु पाणातिवाए,
मुसावाए जाव' मिच्छादसणसल्ले वट्टमाणस्स अण्णे जीवे, अण्णे जीवाया । पाणाइवायवेरमणे जाव परिग्गहवेरमणे, कोहविवेगे जाव'मिच्छादसणसल्लविवेगे वट्टमाणस्स अण्णे जीवे, अण्णे जीवाया। उप्पत्तियाए' 'वेणइयाए कम्मयाए° पारिणामियाए वट्टमाणस्स अण्णे जीवे, अण्णे जीवाया। प्रोग्गहे, ईहा-अवाए धारणाए वट्टमाणस्स 'अण्णे जीवे, अण्णे ° जीवाया। उट्ठाणे 'कम्मे बले वीरिए पुरिसक्कार °-परक्कमे वट्टमाणस्स 'अण्णे जीवे, अण्णे° जीवाया। नेरइयत्ते तिरिक्ख-मणुस्स-देवत्ते वट्टमाणस्स 'अण्णे जीवे, अण्णे° जीवाया। नाणावरणिज्जे जाव अंतराइए वट्टमाणस्स' 'अण्णे जीवे, अण्णे° जीवाया। एवं कण्हलेस्साए जाव सुक्कलेस्साए, सम्मदिट्ठीए मिच्छदिट्ठीए सम्मामिच्छदिटीए, एवं चक्खुदंसणे अचवखुदंसणे अोहिदंसणे केवलदंसणे, आभिणिबोहियनाणे सुयनाणे ओहिनाणे मणपज्जवनाणे केवलनाणे, मतिअण्णाणे सुयअण्णाणे विभंगनाणे, आहारसण्णाए भयसण्णाए मेहुणसण्णाए परिग्गहसण्णाए, एवं ओरालियसरीरे वेउव्वियसरीरे पाहारगसरीरे तेयगसरीरे कम्मगसरीरे, एवं मणजोगे वइजोगे कायजोगे सागारोवनोगे, अणागारोवोगे वट्टमाणस्स अण्णे
जीवे, अण्णे जीवाया ॥ ३१. से कहमेयं भंते ! एवं ?
गोयमा ! जण्णं ते अण्णउत्थिया एवमाइक्खंति जाव जे ते एवमाहंसु मिच्छं ते एवमाहंसु । अहं पुण गोयमा ! एवमाइक्खामि जाव परूवेमि-एवं खलु पाणातिवाए जाव मिच्छादसणसल्ले वट्टमाणस्स सच्चेव जीवे, सच्चेव जीवाया
जाव अणागारोवोगे वट्टमाणस्स सच्चेव जीवे, सच्चेव जीवाया । रूवि-अरूवि-पदं ३२. देवे णं भंते ! महिड्ढिए जाव' महेसक्खे पुत्वामेव रूवी भवित्ता पभू अरूवि"
विउव्वित्ता णं चिट्ठित्तए ? नो इणढे समढे ।।
१. भ० ११३८४ ।
५. सं० पा०—उट्ठाणे जाव परक्कमे । २. भ० ११३८५।
६. ७, ८. सं० पा०—वट्टमाणस्स जाव जीवाया। ३. सं० पा०-उप्पत्तियाए जाव पारिणामियाए। ६. भ० ११३३६।। ४. सं० पा०-वट्टमाणस्स जाव जीवाया। १०. रूपातीतममूर्तमात्मानमिति गम्यते (वृ) ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |