Page Text
________________
१७
पढमं सतं (बीअो उद्देसो) ६१. से केणद्वेणं भंते ! एवं वुच्चइ–नेरइया नो सव्वे समाहारा ? नो सव्वे सम
सरीरा? नो सव्वे समुस्ससानीसासा ? गोयमा ! नेरइया दूविहा पण्णत्ता, तं जहा.-महासरीरा य, अप्पसरीरा य। तत्थ ण जे ते महासरीरा ते बहतराए पोग्गले अाहारेंति, बहतराए पोग्गले परिणामेंति', बहुत राए पोग्गले उस्ससंति, बहुतराए पोग्गले नीससंति ; अभिक्खणं आहारेंति, अभिक्खणं परिणामेंति, अभिक्खणं उस्ससंति, अभिक्खणं नीससंति । तत्थ णं जे ते अप्पस रोरा ते ण अप्पतराए पोग्गले आहारेंति, अप्पतराए पोग्गले परिणामेंति, अप्पतराए पोग्गले उस्ससंति, अप्पत राए पोग्गले नीससंति; पाहच्च आहारेति, पाहच्च परिणामेंति, पाहच्च उस्ससंति, पाहच्च नीससंति । से तेणद्वेणं गोयमा ! एवं वुच्चइ-ने रइया नो सवे समाहारा, नो सव्वे समसरीरा, नो
सव्वे समुस्सासनीसासा ।। ६२. नेरइया णं भंते ! सव्वे समकम्मा ?
गोयमा ! नो इणढे सम? ॥ ६३. से केण?णं भंते ! एवं वुच्चइ–नेरइया नो सव्वे समकम्मा ?
गोयमा ! नेरइया दुविहा पण्णत्ता, तं जहा— पुवोववन्नगा य, पच्छोववन्नगा य । तत्थ णं जे ते पुन्वोववन्नगा ते णं अप्पकम्मतरागा। तत्थ णं जेते पच्छोववन्नगा ते णं महाकम्मतरागा। से तेण?णं गोयमा ! एवं वुच्चइ–नेरइया नो सव्वे
समकम्मा ॥ ६४. नेरइया णं भंते ! सव्वे समवण्णा !
गोयमा ! नो इण? सम? ॥ ६५. से केणद्वेणं भंते ! एवं वुच्चइ-नेरइया नो सव्वे समवण्णा ?
गोयमा ! नेरइया दुविहा पण्णत्ता, तं जहा-पुत्वोववन्नगा य, पच्छोववन्नगा य । तत्थ णं जे ते पुवोववन्नगा ते णं विसुद्धवण्णत रागा। • तत्थ णं जे ते पच्छोववन्नगा ते णं अविसुद्धवष्णत रागा । से तेणटेणं गोयमा ! एवं वुच्चइ–नेरइया
नो सव्वे समवण्णा ॥ ६६. नेरइया णं भंते ! सव्वे समलेस्सा ?
गोयमा ! नो इणढे समढें ॥ ६७. से केणद्वेण भंते ! एवं वुच्चइ-नेरझ्या नो सव्वे समलेस्सा ?
गोयमा ! नेरइ या दुविहा पण्णत्ता, तं जहा-पुटवोववन्नगा य, पच्छोववन्नगा य । तत्थ णं जे ते पुवोववन्नगा ते णं विसुद्धलेस्सतरागा । तत्थ णं जे ते पच्छोववन्नगा
१. परिणमंति (ता)। २. तिरपट्टे, (क म)।
३. सं० पा०- तरागा तहेव । ४. सं० पा०-केणठेणं जाव नो।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |