________________
भगवई
गोयमा ! सक्के णं देविंदे देवराया भवसिद्धीए, नो अभवसिद्धीए । सम्मदिट्ठीए, नो मिच्छदिट्ठीए। परित्तसंसारिए, नो अणंतसंसारिए । सुलभबोहिए, नो दुल्लभबोहिए । आराहए, नो विराहए। चरिमे, नो अचरिमे । एवं जहा मोउ
द्देसए सणंकुमारे जाव' नो अचरिमे ।। चेय-अचेयकड-कम्म-पदं ४१. जीवाणं भंते ! किं चेयकडा कम्मा कज्जति ? अचेयकडा कम्मा कज्जति ?
गोयमा ! जीवाणं चेयकडा कम्मा कज्जंति. नो अचेयकडा कम्मा कज्जति ॥ ४२. से केणटेणं भंते ! एवं वुच्चई-- जीवाणं चेयकडा कम्मा कज्जंति, नो अचेय
कडा कम्मा० कज्जति ? गोयमा ! जीवाणं पाहारोवचिया पोग्गला, बोंदिचिया पोग्गला, कलेवरचिया पोग्गला तहा तहा णं ते पोग्गला परिणमंति, नत्थि अचेयकडा कम्मा समणाउसो! दुटाणेसु, दुसेज्जासु, दुन्निसीहियासु तहा तहा णं ते पोग्गला परिणमंति, नत्थि अचेयकडा कम्मा समणाउसो! आयंके से वहाए होति, संकप्पे से वहाए होति, मरणंते से वहाए होति तहा तहा णं ते पोग्गला परिणमंति, नत्थिअचेयकडा कम्मा समणाउसो! से तेणटेणं' 'गोयमा! एवं वुच्चइ-- जीवाणं चेयकडा कम्मा कज्जति, नो अचेयकडा कम्मा कज्जति । एवं
नेरइयाण वि । एवंजाव वेमाणियाणं॥ ४३. सेवं भंते ! सेवं भंते ! त्ति जाव विहरइ ।।
तइओ उद्देसो कम्म-पदं ४४. रायगिहे जाव' एवं वयासी-कति णं भंते ! कम्मपगडीओ पण्णत्तायो?
गोयमा ! अट्ठ कम्मपगडीअो पण्णत्ताओ, तंजहा-नाणावरणिज्जं जाव' अंतराइयं, एवं जाव वेमाणियाणं ॥
१. भ०३७३। २. चेत° (ब)। ३. चेदे (ता)। ४. सं० पा०-वुच्चइ जाव कज्जति । ५. सं. पा०-तेणट्रेणं जाव कज्जति ।
६. पू०प०२। ७. भ० ११५१। ८. भ. १२४-१०। ६. भ०६।३३ । १०. पू०प० २।
Jain Education International
For Private & Personal Use Only
www.jainelibrary.org
