________________
७१४
भगवई
२६. से केणट्टेणं भंते ! एवं वुच्चई'- जीवाणं जरा वि, सोगे वि?
गोयमा ! जे णं जीवा सारीरं वेदणं वेदेति तेसि णं जीवाणं जरा, जे णं जीवा माणसं वेदणं वेदेति तेसि णं जीवाणं सोगे । से तेणद्वेणं' 'गोयमा ! एवं वुच्चइ-जीवाणं जरा वि°, सोगे वि। एवं नेरइयाण वि। एवं जाव'
थणियकुमाराणं ॥ ३०. पुढविकाइयाणं भंते ! किं जरा ? सोगे ?
गोयमा ! पुढविकाइयाणं जरा, नो सोगे ।। ३१. से केणटेणं भंते ! एवं वुच्चइ-पुढविकाइयाणं जरा , नो सोगे?
गोयमा ! पुढविकाइया णं सारीरं वेद णं वेदेति, नो माणसं वेदणं वेदेति । से तेणटेणं गोयमा ! एवं वुच्चइ-पुढविकाइयाणं जरा', नो सोगे । एवं
जाव चउरिदियाणं । सेसाणं जहा जीवाणं जाव वेमाणियाणं ॥ ३२. सेवं भंते ! सेवं भंते ! त्ति जाव पज्जुवासति ॥ सक्कस्स प्रोग्गह-अणुजाणणा-पदं ३३. तेणं कालेणं तेणं समएणं सक्के देविदे देवराया वज्जपाणी पुरंदरे जाव' दिव्वाइ
भोगभोगाई भुंजमाणे विहरइ । इमं च णं केवलकप्पं जंबुद्दीवं दीवं विपुलणं प्रोहिणा आभोएमाणे-अाभोएमाणे पासति, ‘एत्थ णं" समणं भगवं महावीर जंबुद्दीवे दीवे । एवं जहा ईसाणे तइयसए तहेव सक्के वि, नवरं--पाभियोगे ण सद्दावेति, 'हरी पायत्ताणियाहिवई,' सुघोसा घंटा, पालो विमाणकारी, पालगं विमाणं, उत्तरिल्ले निज्जाणमग्गे, दाहिणपुरथिमिल्ले रतिकरपव्वए, सेसं तं चेव जावर नामगं सावेत्ता पज्जुवासति । धम्मकहा जाव" परिसा
पडिगया । ३४. तए णं से सक्के देविदे देवराया समणस्स भगवओ महावीरस्स अंतियं धम्म
सोच्चा निसम्म हट्टतुटे समणं भगवं महावीरं वंदइ नमसइ, वंदित्ता नमंसित्ता एवं वयासी-कतिविहे णं भंते ! प्रोग्गहे पण्णत्ते ?
१. सं० पा०-वुच्चइ जाव सोगे। २. सं० पा०-तेणटेणं जाव सोगे। ३. पू० प० २। ४. सं० पा०–केण?णं जाव जरा। ५. सं० पा०-तेणट्रेणं जाव नो। ६. भ० ११५१। ७. भ० ३।१०६ ।
८. यत्थ (क, ख, ब); यत्था (ता)। ६. पायत्ताणियाहिवई हरी (ख); हरी य
पाय° (ब)। १०. सुघोस णं (ता)। ११. दाहिरिणल्ले (ता)। १२. भ० ३।२७। १३. प्रो० सू०७१-७६ ।
Jain Education International
For Private & Personal Use Only
www.jainelibrary.org
