Page Text
________________
पन्तरसमं सतं
नामधेज्ज काहिंति-जम्हा णं अम्हं इमंसि दारगंसि जायंसि समाणंसि सयदुवारे नगरे सब्भितरबाहिरिए •भारग्गसो य कुंभग्गसो य पउमवासे य° रयणवासे वुटे, तं होउ णं अम्हं इमस्स दारगस्स नामधेज्ज महापउमे-महापउमे । तए णं
तस्स दारगस्स अम्मापियरो नामधेज्जं करेहिंति महापउमे त्ति ॥ १७०. तए णं तं महापउमं दारगं अम्मापियरो सातिरेगद्रवासजायगं जाणित्ता
सोभणंसि तिहि-करण-दिवस-नक्खत्त-मुहुत्तंसि महया-महया रायाभिसेगेणं अभिसिंचेहिति। से णं तत्थ राया भविस्सति - महया हिमवंत-महंत-मलय
मंदर-महिंदसारे वण्णो जाव' विहरिस्सइ ।। १७१. तए णं तस्स महापउमस्स रण्णो अण्णदा कदायि दो देवा महिड्ढिया जाव'
महेसक्खा सेणाकम्मं काहिंति, तं जहा...पुण्णभद्दे य माणिभद्दे य॥ तए णं सयदुवारे नगरे बहवे राईसर-तलवर- माडंबिय-कोडुंबिय-इब्भ-सेट्ठिसेणावइ° -सत्थवाहप्पभितो' अण्णमण्णं सहावेहिति, सद्दावेत्ता एवं वदेहितिजम्हा णं देवाणुप्पिया ! महापउमस्स रण्णो दो देवा महिड्ढिया जाव महेसक्खा सेणाकम्मं करेंति, तंजहा-पुण्णभद्दे य माणिभद्दे य, तं होउ णं देवाणुप्पिया ! अम्हं महापउमस्स रण्णो दोच्चे वि नामधेज्जे देवसेणेदेवसेणे । तए णं तस्स महापउमस्स रण्णो 'दोच्चे वि' नामधेज्जे भविस्सति
देवसेणे ति ॥ १७२. तए णं तस्स देवसेणस्स रण्णो अण्णया कयाइ सेते संखतल-विमल-सन्निगासे
चउइंते हत्थिरयणे समूप्पज्जिस्सइ। तए णं से देवसेणे राया तं सेयं संखतलविमल-सन्निगासं चउदंतं हत्थिरयणं दूढे समाणे सयदुवारं नगरं मझमझेणं अभिक्खणं-अभिक्खणं अतिजाहिति य निज्जाहिति य । तए णं सयदुवारे नगरे बहवे राईसर- तलवर-माइंबिय-कोडुविय-इब्भ-सेटि-सेणावइ -सत्थवाहप्पभितरो अण्णमण्ण सद्दावेहिति, सद्दावेत्ता वदेहिति ---जम्हा णं देवाणुप्पिया ! अम्हं देवसेणस्स रण्णो सेते संखतल-विमल-सन्निगासे चउड़ते हत्थिरयणे सम्प्पन्ने, तं होउ णं देवाणुप्पिया ! अम्हं देवसेणस्स रण्णो तच्चे वि नामधेज्जे विमलवाहणे-विमलवाहणे । तए णं तस्स देवसेणस्स रण्णो तच्चे वि नामधेज्जे
भविस्सति विमलवाहणे त्ति ॥ १. सं० पा०–सभितरबाहिरिए जाव रयण- ६. दोच्चं पि (स)। वासे।
७. संखदल (क, ख, ता, वृ) । २. ओ० सू० १४ ।
८. दुरूढे (स)। ३. भ० ११३३६ ।
है. सं० पा०-राईसर जाव सत्थवाह । ४. सं० पा०-तलवर जाव सत्थवाह । १०. ठा० ४।६२ सूत्रानुसारेण एतत् पदं स्वी५. ०प्पभितीपो (स)।
कृतम्।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |