Page Text
________________
पन्नरसमं सतं
६६१ वुग्गाहेमाणे वुप्पाएमाणे विहरित्ता सएणं तेएणं अण्णाइटे समाणे अंतो सत्तरत्तस्स पित्तज्जरपरिगयसरीरे दाहवक्कंतीए छउमत्थे चेव कालं करेस्सं । समणे भगवं महावीरे जिणे जिणप्पलावी', 'अरहा अरहप्पलावी, केवली केवलिप्पलावी, सव्वण्णू सव्वण्णुप्पलावी, जिणे ° जिणसई पगासेमाणे विहरइ -एवं संपेहेति, संपेहेत्ता आजीविए थेरे सहावेइ, सहावेत्ता उच्चावय-सवह-सावियए पकरेति, पकरेत्ता एवं वयासी -नो खलु अहं जिणे जिणप्पलावी जाव पगासेमाणे विहरिए । अहण्णं गोसाले चेव मंखलिपुत्ते समणघायए' 'समणमारए समणपडिणीए पायरिय-उवज्झायाणं अयसकारए अवण्णकारए अकित्तिकारए बहुहि असब्भावुब्भावणाहि मिच्छत्ताभिनिवेसेहि य अप्पाणं वा परंवा तदुभयं वा वुग्गाहेमाणे वुप्पाएमाणे विहरित्ता सएणं तेएणं अण्णाइट्ठ समाणे अंतो सत्तरत्तस्स पित्तज्जरपरिगयसरीरे दाहवक्कंतीए ° छउमत्थे चेव कालं करेस्सं । समणे भगवं महावीरे जिणे जिणप्पलावी जाव जिणसई पगासेमाणे विहरइ, तं तुब्भं णं देवाणुप्पिया! ममं कालगयं जाणित्ता वामे पाए सुंबेणं बंधेह', बंधत्ता तिक्खुत्तो मुहे उट्ठभेह', उट्ठभेत्ता सावत्थीए नगरीए सिंघाडग'- तिग-चउक्कचच्चर-चउम्मुह-महापह°-पहेसु प्राकट्ट-विकट्टि करेमाणा महया-महगा सद्देणं उग्घोसेमाणा-उग्घोसेमाणा एवं वदह–नो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए । एस णं गोसाले चेव मंखलिपुत्ते समणघायए जाव छउमत्थे चेव कालगए । समणे भगवं महावीरे जिणे जिणप्पलावी जाव विहरइ। महया अणिड्ढी-असक्कारसमुदएणं ममं सरीरगस्स
नीहरणं करेज्जाह- एवं वदित्ता कालगए। गोसालस्त नीहरण-पदं १४२. तए णं आजीविया थेरा गोसालं मंखलिपुत्तं कालगयं जाणित्ता हालाहलाए
कंभकारीए कुंभकारावणस्स दुवाराई पिहेंति, पिहेत्ता हालाहलाए कुंभकारीए कुंभकारावणस्स बहुमज्झदेसभाए सावत्थि नगरिं आलिहंति, आलिहित्ता गोसालस्स मंखलिपुत्तस्स सरीरगं वामे पदे सुंबेणं बंधंति, बंधित्ता तिक्खुत्तो महे उठभंति, उठ्ठभित्ता सावत्थीए नगरीए सिंघाडग - तिग-चउक्क-चच्चर-चउम्मुह-महापह ° -पहेसु प्राकट्ट-विकट्टि करेमाणा णीयं-णीयं सद्देणं उग्घोसेमाणा
१. सं० पा० --जिणप्पलावी जाव जिणसदं । २. उच्चाविय (अ, म)। ३. सं० पा०-समणघायए जाव छ उमत्थे। ४. बंधहा (अ, ब); बंधह (ख, म, स); बंधेहा
(ता)।
५. उट्ठभह (अ, ख, ब, स); उहुभंस्स (ता);
उच्छुभह (वृपा) ६. सं० पा०-सिंघाडग जाव पहेसु । ७. सं० पा०---सिंघाडग जाव पहेसु ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |