Page Text
________________
६८८
भगवई
सूरे सहस्सरस्सिम्मि दिणयरे तेयसा जलंते गोसालं मंखलिपुत्तं वंदित्ता जाव' पज्जुवासित्ता इमं एयारूबं वागरणं वागरित्तए त्ति कटु एवं संपेहेति, संपेहेत्ता कल्लं पाउप्पभाए रयणीए जाव उट्ठियम्मि सूरे सहस्सरस्सिम्मि दिणयरे तेयसा जलते ण्हाए कयब लिकम्मे जाव' अप्पमहग्धाभरणालंकियसरीरे साम्रो गिहारो पडिनिक्खमति, पडिनिक्खमित्ता पायविहारचारेणं सावत्थि नगरि मज्झमझेणं' जेणेव हालाहलाए कुंभकारीए कुंभकारावणे तेणेव उवागच्छइ, उवागच्छित्ता गोसालं मंखलिपुत्तं हालाहलाए कभकारीए कभकारावणंसि अंबकूणगहत्थगयं' 'मज्जपाणगं पीयमाणं. अभिक्खणं गायमाणं, अभिक्खणं नच्चमाणं, अभिक्खणं हालाहलाए कुंभकारीए° अंजलिकम्मं करेमाणं सीयलएणं मट्टिया पाणएणं आयंचिण-उदएणं ° गायाइं परिसिंचमाणं पासइ, पासित्ता लज्जिए विलिए
विड्डे सणियं-सणियं पच्चोसक्कइ ।। १३०. तए णं ते आजीविया थेरा अयंपुलं आजीवियोवासगं लज्जियं जाव पच्चोसक्क
माणं पासइ, पासित्ता एवं वयासी-एहि ताव अयंपुला ! इतो ॥ १३१. तए णं से अयंपुले आजीवियोवासए आजीवियथेरेहिं एवं वुत्ते समाणे जेणेव
आजीविया थेरा तेणेव उवागच्छइ, उवागच्छित्ता आजीविए थेरे वंदइ नमसइ,
वंदित्ता नमंसित्ता नच्चासन्ने जाव' पज्जुवासइ । १३२.
अयंपुलाति ! आजीविया थेरा अयंपुलं आजीवियोवासगं एवं वयासी-से नणं ते अयंपुला! पुव्वरत्तावरत्तकालसमयंसि 'कुडुबजागरियं जागरमाणस्स अयमेयारूवे अज्झथिए चितिए पत्थिए मणोगए संकप्पे समुप्पज्जित्था - किंसंठिया णं हल्ला पण्णत्ता? तए णं तव अयंपुला ! दोच्चं पि अयमेयारूवे तं चेव सव्वं भाणयव्वं जाव' सावत्थि नगरि मझमझेणं जेणेव हालाहलाए कुंभकारीए कुंभकारावणे, जेणेव इहं तेणेव हव्वमागए । से नूणं ते अयंपुला ! अट्ठ समढे ? हंता अस्थि । जंपि य अयंपुला! तब धम्मायरिए धम्मोवदेसए गोसाले मंखलिपुत्ते हालाहलाए कुंभकारीए कुंभकारावणंसि अंबकूणगहत्थगए जाव अंजलि करेमाणे
१. भ. २।३१। २. भ०२।१७। ३. मझेणं मझेणं (क, ता, ब) सर्वत्र । ४. सं० पा०-ग्रंबकूणगहत्थगयं जाव अंजलि-
कम्म। ५. सं० पा-मट्टिया जाव गायाई ।
६. भ० १५३१२६ । ७. भ० १।१०। ८. सं० पा०-पुव्वरत्तावरत्तकालसमयंसि जाव
सिंठिया। ६. भ०१५।१२६ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |