Page Text
________________
६७०
भगवई
तए णं से गोसाले मंखलिपुत्ते तेणं श्रगस्स महानिमित्तस्स केणइ उल्लोयमेणं सव्वेसिं पाणाणं, सव्वेसि भूयाणं, सव्वेसि जीवाणं, सव्वेसि सत्ताणं इमाई छ अइक्कमणिज्जाई वागरणाई वागरेति, तं जहा -- लाभ लाभं सुहं दुक्खं, जीवियं मरणं तहा ।
तणं से गोसाले मंखलिपुत्ते तेणं श्रट्टंगस्स महानिमित्तस्स केणइ उल्लोयमेत्तेणं सावत्थीए नगरीए जिणे जिणप्पलावी, अणरहा ग्ररहृप्पलावी, ग्रकेवली केवलिप्लावी, सव्वण्णू सव्वष्णुप्पलावी, अजिणे जिणसद्दं पगासेमाणे विहरइ, तं नो खलु गोयमा ! गोसाले मंखलिपुत्ते जिणे जिणप्पलावी', 'रहा रहप्पलावी, केवली केवलिप्पलावी, सव्वण्णू सव्वण्णुप्पलावी, जिणे जिणसद्दं पगासेमाणे विहरइ, गोसाले गं मंखलिपुत्ते ग्रजिणे जिणप्पलावी, अणरहा अरहृप्पलावी, केवली केवलिप्लावी, ग्रसव्वण्ण सव्वण्णप्पलावी, ग्रजिणे जिणसद्दं • • पगासेमाणे विहरइ ॥
०
७८. तए णं सा महतिमहालया महच्चपरिसा समणस्स भगवो महावीरस्स अंतिए एमट्ठे सोच्चा निसम्म हट्टतुट्ठा समणं भगवं महावीरं वंदइ नमसइ, वंदित्ता नमंसित्ता जामेव दिसं पाउब्भूया तामेव दिसं ० पडिगया ||
गोसालस्स श्रमरिस-पदं
0
७६. तए णं सावत्थोए नगरीए सिंघाडग -तिग- चउक्क-चच्चर-चउम्मुह महापहपहेसु बहुजणो ग्रण्णमण्णस्स एवमाइक्खइ जाव परूवेइ – जण्णं देवाणु प्पिया ! गोसाले मखलिपुत्ते जिणे जिणप्पलावी जाव जिणे जिणसदं पगासेमाणे विहरइ तं मिच्छा । समणे भगवं महावीरे एवमाइक्खइ जाव परूवेइ - एवं खलु तस्स गोसालस्स मंखलिपुत्तस्स मंखली नाम मंखे पिता होत्था । तए णं तस्स मंखस्स एवं चेव तं सव्वं भाणियव्वं जाव' जिणे जिणसद्दं पगासेमाणे विहरइ, तं नो खलु गोसाले मंखलिपुत्ते जिणे जिणप्पलावी जाव विहरइ, गोसाले मंखलिपुत्ते अजिजिणप्लावी जाव विहरइ, समणे भगवं महावीरे जिणे जिणप्पलावी जाव जिस पगासेमाणे विहरइ ॥
८०. तणं से गोसाले मंखलिपुत्ते बहुजणस्स अंतियं एयमट्ठे सोच्चा निसम्म ग्रासुरुते '
• रुट्ठे कुविए चंडिक्किए मिसिमिसेमाणे प्रायावणभूमीश्रो पच्चोरुहइ, पच्चोरुहित्ता सार्वत्थि नगरि मज्भंमज्भेणं' जेणेव हालाहलाए कुंभकारीए कुंभकारा
१. सं० पा० - जिणप्पलावी जाव जिणसद्दं । २. सं० पा० - जिणप्पलावी जाव पगासेमाणे ।
३. सं० पा० - जहा सिवे जाव पडिगया ।
४. सं० पा० - सिंघाडग जाव बहुजणो ।
Jain Education International
५. भ० १५।१४-७६ ।
६. सं० पा० - सुरुत्ते जाव मिसि° । ७. लेखसंक्षेप करणेन 'निग्गच्छइ, निग्गच्छित्ता' इति पाठो न दृश्यते । द्रष्टव्यम् - १५।२४ ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |