Page Text
________________
पन्नरसम सत
एवं खलु एयस्स गोसालस्स मंखलीपुत्तस्स मंखली नामं मंखे पिता होत्था। तस्स णं मखलिस्स मंखस्स भद्दा नाम भारिया होत्था - सुकुमालपाणिपाया जाव
पडिरूवा । तए णं सा भद्दा भारिया अण्णदा कदायि गुव्विणी यावि होत्था । १५. तेणं कालेणं तेणं समएणं सरवणे नामं सण्णिवेसे होत्था-रिद्धस्थिमियसमिद्ध
जाव नंदणवण-सन्निभप्पगासे, पासादीए दरिसणिज्जे अभिरूवे पडिरूवे। तत्थ णं सरवणे सण्णिवेसे गोबहुले नामं माहणे परिवसइ-अड्ढे जाव' बहुजणस्स अपरिभूए, रिउव्वेद जाव बंभण्णएसु परिव्वायएसु य नयेसु सुपरिनिट्ठिए यावि
होत्था । तस्स णं गोबहुलस्स माहणस्स गोसाला यावि होत्था ॥ १६. तए णं से मंखली मंखे अण्णया कदायि भद्दाए भारियाए गुठ्विणीए सद्धि चित्त
फलगहत्थगए मंखत्तणेणं अप्पाणं भावेमाणे पुव्वाणुपुद्वि चरमाणे गामाणुगामं दुइज्जमाणे जेणेव सरवणे सण्णिवेसे जेणेव गोबहुलस्स माहणस्स गोसाला तेणेव उवागच्छइ, उवागच्छित्ता गोवहुलस्स माहणस्स गोसालाए एगदेसंसि भंडनिक्खेवं करेइ, करेत्ता सरवणे सण्णिवेसे उच्च-नीय-मज्झिमाइं कुलाइं घरसमुदाणस्स भिक्खायरियाए अडमाणे वसहीए सव्वग्रो समंता मग्गण-गवेसणं करेइ, वसहीए सवप्रो समंता मग्गण-गवेसणं करेमाणे अण्णत्थ वसहिं अलभमाणे तस्सेव
गोबहुलस्स माहणस्स गोसालाए एगदेससि वासावासं उवागए । १७. तए णं सा भद्दा भारिया नवण्ह मासाणं बहुपडिपुण्णाणं अद्धढमाण य
राइंदियाणं वीतिक्कंताणं सुकुमालपाणिपायं जाव' पडिरूवगं दारगं पयाया। तए णं तस्स दारगस्स अम्मापियरो एक्कारसमे दिवसे वीतिक्कते निव्वत्ते अस इजायकम्मकरणे संपत्ते ° 'बारसमे दिवसे' अयमेयारूवं गोणं गुणनिप्फन्नं नामधेज्ज करेति—जम्हा णं अम्हें इमे दारए गोबहुलस्स माहणस्स गोसालाए जाए तं होउ णं अम्हं इमस्स दारगस्स नामधज्ज गोसाले-गोसाले त्ति । तए णं
तस्स दारगस्स अम्मापितरो नामधेज्ज करेंति गोसाले ति ।। १६. तए णं से गोसाले दारए उम्मुक्कबालभावे विण्णय-परिणयमेत्ते जोव्वणगमणु
प्पत्ते सयमेव पाडिएक्कं चित्तफलगं करेइ, करेत्ता चित्तफलगहत्थगए मंखत्तणेणं अप्पाणं भावेमाणे विहरइ ।।
१८.
१. ओ० सू० १५। २. ओ० सू० १। ३. भ० २०६४॥ ४. भ० २।२४ । ५. भ० ११११३४ । ६. सं० पा०-वोतिक्कते जाव बारसमे ।
७. बारसाहदिवसे (अ, क, ख, ता, ब); बारसहे
दिवसे (म); बारसाहे दिवसे (स); द्रष्टव्यम्-भ० ११।१५३ सूत्रस्य पादटिप्प
रणम् । ८. विण्णाय (अ, स)। ६. पडिएक्कं (क, ता, ब) ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |