________________
६४८
भगवई
पक्खिवेज्जा, कोट्टिया-कोट्टिया च णं पक्खिवेज्जा, चुण्णिया-चुणिया च णं पक्खिवेज्जा, तो पच्छा खिप्पामेव पडिसंघाएज्जा, नो चेव णं तस्स पुरिसस्स किचि आबाहं वा वाबाहं वा उप्पाएज्जा, छविच्छेयं पुण करेइ, एसुहुमं च णं
पक्खिवेज्जा ।। जंभगदेव-पदं ११७. अत्थि णं भंते ! जंभगा देवा, जंभगा देवा ?
हंता अत्थि ॥ ११८. से केण?णं भंते ! एवं वुच्चइ-जंभगा देवा, जंभगा देवा ?
गोयमा ! जंभगा णं देवा निच्चं पमुदित-पक्कीलिया कंदप्परतिमोहणसीला । जे णं ते देवे कुद्धे पासेज्जा, से णं पुरिसे महंतं अयसं पाउणेज्जा । जे णं ते देवे तुढे पासेज्जा, से णं महंतं जसं पाउणेज्जा । से तेण?णं गोयमा ! एवं वुच्चइ
जंभगा देवा, जंभगा देवा ॥ ११६. कति विहा णं भंते ! जंभगा देवा पण्णत्ता ?
गोयमा ! दसविहा पण्णत्ता, तं जहा-अन्नभगा, पाणजभगा, वत्थजंभगा, लेणजभगा, सयणजभगा, पुप्फजंभगा, फलजंभगा, 'पूप्फ-फल-जंभगा", विज्जा
जंभगा अवियत्तिजंभगा । १२०. जंभगा णं भंते ! देवा कहि वसहि उवेंति ?
गोयमा ! सव्वेसु चेव दीहवेयड्ढेसु, चित्त-विचित्त-जमगपव्वएसु, कंचणपव्वएसु
य, एत्थ णं जंभगा देवा वसहि उवेति ।। १२१. जंभगाणं भंते ! देवाणं केवतियं कालं ठिती पण्णत्ता ?
गोयमा ! एगं पलिग्रोवमं ठिती पण्णत्ता ।। १२२. सेवं भंते ! सेवं भंते ! त्ति जाव' विहरइ ।।
नवमो उद्देसो सरूवि-सकम्मलेस्स-पदं १२३. अणगारे णं भंते ! भावियप्पा अप्पणो कम्मलेस्सं न जाणइ, न पासइ, तं पुण
जीवं सरूवि सकम्मलेस्सं जाणइ-पासइ ?
१. मंतजंभगा (वृपा)। २. अहिवइजभगा (वपा)
३. भ० ११५१। ४. सरूवं (अ)।
Jain Education International
For Private & Personal Use Only
www.jainelibrary.org
