________________
६३४
भगवई
६०.
असुरकुमारे से णं अत्थेगतिए अगणिकायस्स मज्झमज्झेणं वीइवएज्जा, अत्थेगतिए नो वीइवएज्जा। जे णं वीइवएज्जा से णं तत्थ झियाएज्जा ? नो इणद्वे समढे, नो खलु तत्थ सत्थं कमइ । से तेणतुणं । एवं जाव थणियकुमारा। एगिदिया जहा नेरइया । बेइंदिया णं भंते ! अगणिकायस्स मज्झमझणं वीइवएज्जा ? जहा असुरकुमारे तहा बेइंदिएवि, नवरंजे णं वीइवएज्जा से णं तत्थ झियाएज्जा ?
हंता झियाएज्जा । सेसं तं चेव । एवं जाव चउरिदिए । ५६. पंचिदियतिरिक्खजोणिए णं भंते ! अगणिकायस्स "मज्झमझेणं वीइव
एज्जा ? गोयमा ! अत्थेगतिए वीइवएज्जा, अत्थेगतिए नो वीइवएज्जा ॥ से केणतुणं? गोयमा ! पंचिदियतिरिक्खजोणिया दुविहा पण्णत्ता, तं जहा -विग्गहगतिसमावन्नगा य, अविग्गहगतिसमावन्नगा य । विग्गहगतिसमावन्नए जहेव नेरइए जाव नो खलु तत्थ सत्थं कमइ । अविग्गहगतिसमावन्नगा पंचिंदियतिरिक्खजोणिया दुविहा पण्णत्ता, तं जहा-इड्ढिप्पत्ता य, अणिड्ढिप्पत्ता य। तत्थ णं जे से इड्ढिप्पत्ते पंचिदियतिरिक्खजोणिए से णं अत्थेगतिए अगणिकायस्स मज्झंमज्झणं वीइवएज्जा, अत्थेगतिए नो वीइवएज्जा । जे णं वीइवएज्जा से णं तत्थ झियाएज्जा ? नो इणद्वे समढे, नो खलु तत्थ सत्थं कमइ। तत्थ णं जे से अणि ढिप्पत्ते पंचिदियतिरिक्खजोणिए से णं अत्थेगतिए अगणिकायस्स मज्झमझेण वीइवएज्जा, अत्थेगतिए नो वीइवएज्जा। जे णं वीइवएज्जा से णं तत्थ झियाएज्जा? हंता झियाएज्जा। से तेणढेणं जाव नो वीइवएज्जा। एवं मणुस्से वि।
वाणमंतर-जोइसिय-वेमाणिए जहा असुरकुमारे । पच्चणुभव-पदं ६१. नेरइया दस ठाणाई पच्चणुब्भवमाणा विहरंति, तं जहा-अणिट्ठा सद्दा, अणिट्ठा
रूवा, अणिट्ठा गंधा, अणिट्ठा रसा, अणिट्ठा फासा, अणिट्ठा गती, अणिट्ठा ठिती, अणिढे लावण्णे', अणिढे जसे कित्ती, अणिढे उट्ठाण-कम्म'-बल-वीरिय-पुरिस
क्कार-परक्कमे ॥ १. सं० पा०-पुच्छा।
३. कम्मए (ता)। २. लायण्णे (ता)।
Jain Education International
For Private & Personal Use Only
www.jainelibrary.org
