________________
६२६
भगवई
७. परंपरोववन्नगा णं भंते ! नेरइया कि नेरइयाउयं पकरेंति जाव देवाउयं
पकरेंति ? गोयमा ! नो नेरइयाउयं पकरेंति, तिरिक्खजोणियाउयं पकरेंति, मणुस्साउयं
पि पकरेंति , नो देवाउयं पकरेंति ।। ८. अणंतर-परंपर-अणुववन्नगा णं भंते ! नेरइया कि नेरइयाउयं पकरेंति
पुच्छा । गोयमा ! नो नेरइयाउयं पकरेंति जाव नो देवाउयं पकरेंति । एवं जाव वेमाणिया, नवरं-पंचिदियतिरिक्खजोणिया मणुस्सा य परंपरोववन्नगा चत्तारि
वि पाउयाइं पकरेंति । सेसं तं चेव ।। ६. नेरइया णं भंते ! कि अणंतरनिग्गया? परंपरनिग्गया ? अणंतर-परंपर
अनिग्गया? गोयमा ! नेरइया अणंतरनिग्गया वि, 'परंपरनिग्गया वि'', अणंतर-परंपर
अनिग्गया वि ॥ १०. से केणद्वेणं जाव अणंतर-परंपर-अनिग्गया वि ?
गोयमा ! जे णं नेरइया पढमसमयनिग्गया ते णं ने रइया अणंतरनिग्गया, जे णं ने रइया अपढमसमयनिग्गया ते णं नेरइया परंपरनिग्गया, जेणं नेरइया विग्गहगतिसमावन्नगा ते णं नेरइया अणंतर-परंपर-अनिग्गया। से तेणट्रेणं
गोयमा ! जाव अणंतर-परंपर-अनिग्गया वि । एवं जाव वेमाणिया ।। ११. अणंतरनिग्गया णं भंते ! नेरइया कि नेरइयाउयं पकरेंति जाव देवाउयं
पकरेंति ?
गोयमा ! नो नेरइयाउयं पकरेंति जाव नो देवाउयं पकरेंति ॥ १२. परंपरनिग्गया णं भंते ! नेरइया कि नेरइयाउयं पकरेंति—पुच्छा।
गोयमा ! नेरइयाउयं पि पकरेंति जाव देवाउयं पि पकरेंति ।। १३. अणंतरं-परंपर-अनिग्गया णं भंते ! नेरइया-पुच्छा।
गोयमा ! नो ने रइयाउयं पकरेंति जाव नो देवाउयं पकरेंति। निरवसेसं जाव
वेमाणिया ॥ १४. नेरइया णं भंते ! कि अणंतरखेदोववन्नगा ? परंपरखेदोववन्नगा ? अणंतर
परंपर-खेदाणववन्नगा? गोयमा ! नेरइया अणंतरखेदोववन्नगा वि, परंपरखेदोववन्नगा वि, अणंतर
१. जाव (अ, क, ख, ता, ब, म, स)।
२. ० खेत्तोववन्नगा (क, ब); खेतोववन्नगा
(ता)।
Jain Education International
For Private & Personal Use Only
www.jainelibrary.org
