________________
५
पढमं सतं ( पढमो उद्देसो)
सप्पन्नसंस समुप्पन्नकोउहल्ले उट्ठाए उट्ठेति, उट्ठेत्ता जेणेव समणे भगवं महावोरे तेणेव उवागच्छइ, उवागच्छिता समगं भगवं महावीरं तिक्खुत्तो प्राहिण पाहणं करेइ, करेत्ता वंदइ नमसइ, वंदित्ता नमसित्ता पच्चासन्ने नातिदूरे सुस्समाणे णमंसमाणे अभिमुहे विणएणं पंजलियडे' पज्जुवासमाणे एवं वयासी
चलमाण-पदं
११. से नूणं भंते ! चलमाणे चलिए ? उदीरिज्जमाणे उदोरिए ? वेदिज्जमाणे वेदिए ? पहिज्जमागे पहीणे ? छिज्जमा छिण्णे ? भिज्जमाणे भिण्णे ? 'दज्झमाणे दड्ढे ? मिज्जमाणे मए" ? निज्जरिज्जमाणे निज्जिणे ?
हंता गोयमा ! चलमाणे चलिए" । उदीरिज्जमाणे उदीरिए । वेदिज्ज़माणे वेदिए । पहिज्जमाणे पहोणे । छिज्जमाणे छिष्णे । भिज्जभाणे भिण्णे । दज्झमाणे ढे | मज्जा मए । निज्जरिज्जमाणे निज्जिणे ||
१२. एए णं भंते ! नव पदा" कि एगट्टा नाणाघोसा नाणावंजणा ? उदाहु नाणट्ठा नाणाघोसा नाणावंजणा ?
गोयमा ! चलमाणे चलिए, उदीरिज्जमाणे उदीरिए वेदिज्जमाणे वेदिए, पहिज्जमाणे पहीणे - एए णं चत्तारि पदा एगट्टा नाणाघोसा नाणावंजणा उप्पण्णपक्खस्स ।
Jain Education International
छिज्जमाणे छिण्णे, भिज्जमाणे भिण्णे, दज्झमाणे दड्ढे, मिज्जमाणे मए, निज्जरिज्जमाणे निज्जिणे - एए णं पंच पदा नाणट्टा नाणाघोसा नाणावंजणा विपक्खस्स ||
नेरइयाणं ठितिप्रादि-पदं
१३. नेरइयाणं भंते ! केवइयं कालं ठिती पण्णत्ता ?
गोयमा ! जहणेणं दस वाससहस्साई, उक्कोसेणं तेत्तीस सागरोवमाई ठिती पण्णत्ता ॥
१. गादिदूरे ( क ) ; गाइदूरे (ता, म ) ।
२. पंजलिउडे ( अ, क ) ; पंजलिपुडे (म ) ।
३. वासि (ता); वदासी (म) | ४. विदिज्जमारणे ( अ, ब ) ; वेतिज्जमा ( क ) | ५. पहिए (ता) |
६. छविज्जमाणे ( अ ) |
७. उज्झमाणे डड्डे (ता) |
८. मेज्जं (ग्र, व ) ; मियं (म ) | ९. मडे ( क ) ; मिए (ता) ।
१०. सं० पा० - चलिए जाव निज्जरिज्जमारणे । ११. पया (ता) |
१२. पहिए ( अ, ता, ब, म) 1
१३. केवई (, क, ता); केवइ ( ब ) ।
For Private & Personal Use Only
www.jainelibrary.org
