________________
भगवई
महासवतरा' चेव, महावेदणतरा चेव, नो तहा अप्पकम्मतरा चेव, अप्पकिरियतरा चेव, अप्पासवतरा चेव, अप्पवेदणतरा चेव, अप्पिड्ढियतरा' चेव, अप्पजुतियतरा चेव, नो तहा महिड्ढियतरा चेव, महज्जुतियतरा चेव । छट्ठीए णं तमाए पुढवीए एगे पचूणे निरयावाससयसहस्से पण्णत्ते । ते णं नरगा अहेसत्तमाए पुढवीए नरएहितो नो तहा महत्तरा चेव, महावित्थिण्णतरा चेव, महागासतरा चेव, महापहारक्कतरा चव, महप्पवेसणतरा चेव, पाइण्णतरा चेव, पाउलतरा चेव, अणोमाणतरा चेव । तेसु णं नरएसु नेरइया अहेसत्तमाए पुढवीए नेरइएहितो अप्पकम्मतरा चेव, अप्पकिरियतरा चेव, अप्पासवतरा चेव, अप्पवेदणतरा चेव ; नो तहा महाकम्मतरा चेव, महाकिरियतरा चेव, महासवतरा चेव, महावेदणतरा चेव; महिड्ढियतरा चेव, महज्जुइयतरा चेव ; नो 'तहा अप्पिड्ढियतरा चेव, अप्पजुइयतरा चेव । छट्ठीए णं तमाए पुढवीए नरगा पंचमाए धूमप्पभाए पुढवीए नरएहितो महत्तरा चेव. महावित्थिण्णतरा चेव, महोगासतरा चेव, महापरिक्कतरा चेव: नो तहा महप्पवेसणतरा चेव, पाइण्णतरा चेव, आउलतरा चेव, अणोमाणतरा चेव । तेसु णं नरएसु नेरइया पंचमाए धूमप्पभाए पुढवीए नेरइएहितो महाकम्मतरा चेव, महाकिरियतरा चेव, महासवतरा चेव, महावेदणतरा चेव; नो तहा अप्पकम्मतरा चेव, अप्पकिरियतरा चेव, अप्पासवतरा चेव, अप्पवेदणतरा चेव ; अप्पिड्ढियतरा चेव, अप्पजुतियतरा चेव; नो तहा महड्ढियतरा
चेव, महज्जुतियतरा चेव । पंचमाए णं धूमप्पभाए पुढवीए तिण्णि निरयावाससयसहस्सा पण्णत्ता । एवं जहा छट्ठीए भणिया एवं सत्त वि पुढवीओ परोप्परं भण्णंति जाव रयणप्पभंति
जाव नो तहा महड्ढियतरा चेव, अप्पजुतियतरा चेव ।। नेरइयाणं फासाणुभव-पदं ४४. रयणप्पभापुढविनेरइया णं भंते ! केरिसयं पुढविफासं पच्चणुब्भवमाणा विह
रंति? गोयमा ! अणिटुं जाव' अमणामं । एवं जाव अहेसत्तमपुढविनेरइया । एवं आउफासं, एवं जाव वणस्सइफासं ।।
१. महस्सवतरा (क, ता, म)। २. अपिढितरा (ता, ब)। ३. अप्पज्जुत्तितरा (अ, ता, ब)।
४. तहप्पिड्ढियतरा (अ, क, ख, स); तहिप्पि___ ड्ढियतरा (ता)। ५. भ. ११३५७।
Jain Education International
For Private & Personal Use Only
www.jainelibrary.org
