Page Text
________________
५८२
भगवई
गोयमा ! जस्स दवियाया तस्स कसायाया सिय अत्थि सिय नत्थि, जस्स पुण
कसायाया तस्स दवियाया नियमं अस्थि ।। २०२. जस्स णं भंते ! दवियाया तस्स जोगाया ? जस्स जोगाया तस्स दवियाया?
गोयमा ! जस्स दवियाया तस्स जोगाया सिय अत्थि सिय नत्थि, जस्स पुण
जोगाया तस्स दवियाया नियम अत्थि ० ।। २०३. जस्स णं भंते ! दवियाया तस्स उवयोगाया ? जस्स उवयोगाया तस्स दवि
याया?–एवं सव्वत्थ पुच्छा भाणियव्वा । गोयमा ! जस्स दवियाया तस्स उवयोगाया नियम अत्थि । जस्स वि उवओगाया तस्स वि दवियाया नियमं अत्थि । जस्स दवियाया तस्स नाणाया भयणाए। जस्स पूण नाणाया तस्स दवियाया नियमं अत्थि । जस्स दवियाया तस्स दंसणाया नियम अत्थि । जस्स वि दंसगाया तस्स वि दवियाया नियम अत्थि । जस्स दवियाया तस्स चरित्ताया भयणाए, जस्स पुण चरित्ताया तस्स दवियाया नियमं अत्थि । जस्स दवियाया तस्स वीरियाया भयणाए, जस्स
पुण वीरियाया तस्स दवियाया नियम अत्थि° ॥ २०४. जस्स णं भंते ! कसायाया तस्स जोगाया-पुच्छा।
गोयमा ! जस्स कसायाया तस्स जोगाया नियम अत्थि, जस्स पुण जोगाया तस्स कसायाया सिय प्रत्थि सिय नात्थ । एवं उवयोगायाए वि सम कसायाया नेयव्वा । कसायाया य नाणाया य परोप्परं दो वि भइयब्वायो। जहा कसायाया य उवयोगाया य तहा कसायाया य दंसणाया य, कसायाया य चरित्ताया य दो वि परोप्परं भइयव्वायो । जहा कसायाया य जोगाया य तहा कसायाया य वीरियाया य भाणियव्वाग्रो'। एवं जहा कसायायाए वत्तव्वया भणिया तहा जोगायाए वि उवरिमाहिं समं भाणियव्वाओ। जहा दवियायाए वत्तव्वया भणिया तहा उवयोगायाए वि उवरिल्लाहिं समं भाणियव्वा । जस्स नाणाया तस्स दसणाया नियमं अत्थि, जस्स पुण सणाया तस्स नाणाया भयणाए। जस्स नाणाया तस्स चरित्ताया सिय अस्थि सिय नत्थि, जस्स पुण चरित्ताया तस्स नाणाया नियमं अत्थि। नाणाया वीरियाया दो वि परोप्परं भयणाए। जस्स दसणाया तस्स उवरिमाओ दो वि भयणाए, जस्स पूण ताओ तस्स दसणाया नियम अत्थि । जस्स पुण चरित्ताया तस्स वीरियाया नियम अत्थि, जस्स पुण वीरियाया तस्स चरित्ताया सिय अत्थि सिय नत्थि ।
१. सं० पा०-एवं जहा दवियाया कसायाया ३. भणितव्वाओ (ख, ता)।
भणिया तहा दवियाया जोगाया भाणियव्वा। ४. नेयव्वा (ब)। २. सं० पा०-एवं वीरियायाए वि समं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |