________________
बारसमं सतं (नवमो उद्देसो)
५७६ १८१. देवातिदेवाण-पुच्छा।
गोयमा ! जहण्णेणं बावतरि वासाई, उक्कोसेणं चउरासीई पुव्वसयसहस्साई ॥ १८२. भावदेवाणं-पुच्छा।
गोयमा ! जहण्णेणं दस वाससहस्साई, उक्कोसेणं तेत्तीसं सागरोवमाइं॥ पंचविह-देवाणं विउव्वरणा-पदं १८३. भवियदव्वदेवा णं भंते ! किं एगत्तं पभू विउवित्तए ? पुहत्तं पभू विउव्वित्तए ?
गोयमा ! एगत्तं पि पभू विउव्वित्तए, पुहत्तं पि पभू विउवित्तए । एगत्तं विउव्वमाणे एगिदियरूवं वा जाव पंचिदियरूवं वा, पुहत्तं विउव्वमाणे एगिदियरूवाणि वा जाव पंचिंदियरूवाणि वा, ताई संखेज्जाणि वा असंखेज्जाणि वा, संबद्धाणि वा असंबद्धाणि वा, सरिसाणि वा असरिसाणि वा विउव्वंति, विउव्वित्ता तओ पच्छा' जहिच्छियाई कज्जाई करेति । एवं नरदेवा वि, एवं
धम्मदेवा वि ।। १८४. देवातिदेवाणं-पुच्छा।
गोयमा ! एगत्तं पि पभू विउवित्तए, पुहत्तं पि पभू विउवित्तए, नो चेव णं संपत्तीए विउव्विसु वा, विउव्वति वा, विउव्विस्संति वा ।
भावदेवा जहा भवियदव्वदेवा ।। पंचविह-देवाणं उन्वट्टण-पद १८५. भवियदव्वदेवा णं भंते ! अणंतरं उव्वट्टित्ता कहिं गच्छंति ? कहिं उवज्जति
—कि ने रइएसु उववज्जति जाव देवेसु उववज्जति ? गोयमा ! नो नेरइएसु उववज्जति, नो तिरिक्खजोणिएसु, नो मणुस्सेसु, देवेसु उववज्जति ।
'जइ देवेसु उववज्जति ° ?'" सव्वदेवेसु उववज्जति जाव सव्वट्ठसिद्धत्ति ।। १८६. नेरदेवा णं भंते ! अणंतरं उव्वट्टित्ता-पुच्छा।
गोयमा ! नेरइएसु उववज्जंति, नो तिरिक्खजोणिएसु, नो मणुस्सेसु, नो देवेसु उववज्जति ।
जइ नेरइएस उववज्जति ? सत्तसु वि पुढवीसु उववज्जति ।। १८७. धम्मदेवा णं भंते ! अणंतरं उव्वट्टित्ता-पुच्छा।
गोयमा ! नो नेरइएसु उववज्जति, नो तिरिक्खजोणिएसु, नो मणुस्सेसु, देवेसु उववज्जति ॥
१. देवाधि° (अ, क, ब, म, स)। २. पच्छा अप्पणो (अ, म, स)। ३. देवाधि° (अ, क, ख, ब, म, स)।
४. विउव्विति (ब, म, स)। ५. X (ब, म)।
Jain Education International
For Private & Personal Use Only
www.jainelibrary.org
