Page Text
________________
५७०
भगवई
विप्पवासिए, से णं तो लद्धटे कयकज्जे अणहसमग्गे पुणरवि नियगं गिह हव्वमागए, हाए कयबलिकम्मे कयकोउय-मंगल-पायच्छित्ते सव्वालंकारविभूसिए मणुण्णं थालिपागसुद्धं अट्ठारसवंजणाकुलं भोयणं भुत्ते समाणे तंसि तारिसगंसि वासघरंसि "अभितरो सचित्तकम्मे बाहिरमो दूमिय-घट्ठ-मट्ठ विचित्तउल्लोग-चिल्लियतले मणिरयणपणासियंधयारे, बहुसम-सुविभत्तदेसभाए पंचवण्ण-सरससुरभि-मुक्कपुप्फपुंजोवयारकलिए कालागुरु-पवरकुंदुरुक्क-तुरुक्कधूव-मघमघेत-गंधु द्धयाभिरामे सुगंधवरगंधिए गंधवट्टिभूए। तंसि तारिसगंसि सयणिज्जंसि-सालिंगणवट्टिए उभो विब्बोयणे दुहो उण्णए मज्झे णय-गंभीरे गंगापुलिणवालुय-उद्दालसालिसए प्रोयविय-खोमियदुगुल्लपट्ट-पडिच्छयणे सुविरइयरयत्ताणे रत्तंसुयसंवुए सुरम्मे पाइणग-रूय-बूरनवणीय-तूलफासे सुगंधवरकुसुम-चुण्ण ° सयणोवयारकलिए ताए तारिसियाए भारियाए सिंगारागारचारुवेसाए' 'संगय-गय-हसिय-भणिय-चेट्ठिय-विलाससललिय-संलाव-निउणजुत्तोवयारकुसलाए सुंदरथण-जघण-वयण-कर-चरणनयण-लावण्ण-रूव-जोव्वण-विलास ° कलियाए अणुरत्ताए अविरत्ताए मणाणुकुलाए सद्धि इट्टे सद्दे फरिसे' 'रसे रूवे गंधे° पंचविहे माणुस्सए कामभोगे पच्चणुब्भवमाणे विहरेज्जा, से णं गोयमा ! पुरिसे विउसमणकालसमयंसि केरिसयं सायासोक्खं पच्चणुब्भवमाणे विहरइ ? अोरालं समणाउसो! तस्स णं गोयमा ! पुरिसस्स कामभोगेहितो वाणमंतराणं देवाणं एत्तो अणंतगण विसिट्टतरा चेव कामभोगा। वाणमंतराणं देवाणं कामभोगेहितो असुरिंदवज्जियाणं भवणवासीणं देवाणं एत्तो अणंतगुणविसिट्ठतराचेव कामभोगा। असुरिदवज्जियाणं भवणवासियाणं देवाणं कामभोगेहितो असुरकुमाराणं देवाणं एत्तो अणंतगुणविसिटुतरा चेव कामभोगा। असुरकुमाराणं देवाणं कामभोगेहितो गहगण-नक्खत्त-तारारूवाणं जोतिसियाणं देवाणं एत्तो अणंतगणविसिट्रतरा चेव कामभोगा । गहगण-नक्खत्त'- तारारूवाणं जोतिसियाणं° कामभोगेहितो चंदिम-सूरियाणं जोतिसियाणं जोतिसराईणं एत्तो अणंतगुणविसिटुतरा चेव कामभोगा। चंदिम-सूरिया णं गोयमा ! जोतिसिंदा जोतिसरायाणो एरिसे कामभोगे पच्चणुब्भवमाणा विहरंति ॥
१. थालिपागसिद्धं (ब)। २. सं० पा०-वण्णओ महब्बले कुमारे जाव
सयणो ।
३. सं० पा०-सिंगारागारचारुवेसाए जाव
कलियाए। ४. सं० पा०-फरिसे जाव पंचविहे। ५. पा० सं०-नक्खत्त जाव काम ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |