Page Text
________________
भगवई
राहुस्स णं देवस्स नव नामधेज्जा पण्णत्ता, तं जहा-सिंघाडए' जडिलए खतए खरए ददुरे मगरे मच्छे कच्छभे कण्हसप्पे । राहुस्स णं देवस्स विमाणा पंचवण्णा, पण्णत्ता, तं जहा -किण्हा, नीला, लोहिया, हालिद्दा, सुक्किला। अत्थि कालए राहुविमाणे खंजणवण्णाभे पण्णत्ते, अत्थि नीलए राहुविमाणे लाउयवण्णाभे पण्णत्ते, अत्थि लोहिए राहुविमाणे मंजिट्टवण्णाभे पण्णत्ते, अत्थि पीतए राहुविमाणे हालिद्दवण्णाभे पण्णत्ते, अत्थि सुक्किलए राहुविमाणे भास रासिवण्णाभे पण्णत्ते । जदा णं राह पागच्छमाणे वा गच्छमाणे वा विउव्वमाणे वा परियारेमाणे वा चंदलेस्सं पुरत्थिमेणं यावरेत्ता णं पच्चत्थिमेणं वीतीवयइ तदा णं पुरत्थिमेणं चंदे उवदंसेति, पच्चत्थिमेणं राहू। जदा णं राहू ग्रागच्छमाणे वा गच्छमाणे वा विउव्वमाणे वा परियारेमाणे वा चंदलेस्सं पच्चत्थिमेणं आवरेत्ता णं पुरत्थिमेणं वीतीवयइ तदा णं पच्चत्थिमेणं चंदे उवदंसेति, पुरत्थिमेणं राहू । एवं जहा पुरस्थिमेणं पच्चत्थिमेण य दो पालावगा भणिया एवं दाहिणणं उत्तरेण य दो पालावगा भाणियव्वा । एवं उत्तरपुरथिमेणं दाहिणपच्चत्थिमेण य दो पालावगा भाणियव्वा । एवं दाहिणपुरथिमेणं उत्तरपच्चत्थिमेण य दो पालावगा भाणियव्वा । एवं चेव जाव तदा णं उत्तरपच्चत्थिमेणं चंदे उवदंसेति, दाहिणपुरस्थिमेणं राहू । जदा णं राहू आगच्छमाणे वा गच्छमाणे वा विउव्वमाणे वा परियारेमाणे वा चंदलेस्सं पावरेमाणे-यावरेमाणे चिट्रइ तदा णं मणस्सलोए मणुस्सा वदंति–एवं खलु राहू चंदं गेण्हति, एवं खलु राहू चंदं गेण्हति । जदा णं राह आगच्छमाणे वा गच्छमाणे वा विउव्वमाण वा परियारेमाणे वा चंदलेस्सं आवरेत्ता णं पासेणं वीतीवयइ तदा णं मणुस्सलोए मणुस्सा वदंति-एवं खलु चंदेणं राहुस्स कुच्छी भिन्ना, एवं खलु चंदेणं राहुस्स कुच्छी भिन्ना। जदा ण राहू आगच्छमाणे वा गच्छमाणे वा विउव्वमाणे वा परियारेमाणे वा चंदलेस्सं आवरेत्ता णं पच्चोसक्कइ तदा णं मणुस्सलोए मणुस्सा वदंति --एवं खलु राहुणा चंदे वते, एवं खलु राहुणा चंदे वंते । जदा णं राहू अागच्छमाणे वा गच्छमाणे वा विउव्वमाणे वा परियारेमाणे वा चंदलेस्सं अहे सपक्खि सपडिदिसिं आवरेत्ता णं चिट्ठइ तदा णं मणुस्सलोए मणुस्सा वदंति-एवं खलु
राहुणा चंदे घत्थे, एवं खलु राहुणा चंदे घत्थे । १२४. कतिविहे णं भंते ! राहू पण्णत्ते ?
गोयमा ! दुविहे राहू पण्णत्ते, तं जहा-धुवराहू य, पव्वराहू य । तत्थ णं जे से धुवराहू से गं बहुलपक्खस्स पाडिवए पन्नरसतिभागेणं पन्नरसतिभागं
१. संघाडए (ब)। २. खत्तए (अ); खंतए (ख); खंभए (स)।
३. अच्छभे (ब)। ४. चंदस्स लेसं (क, ब, म)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |