Page Text
________________
५३२
भगवई
वाससहस्साइं ठिती पण्णत्ता, तेण परं समयाहिया जाव' तेण परं वोच्छिण्णा
देवा य देवलोगा य। १८०. से कहमेयं भंते ! एवं?
अज्जोति ! समणे भगवं महावीरे ते समणोवासए एवं वयासी-जण्णं अज्जो ! इसिभद्दपुत्ते समणोवासए तुब्भं एवमाइक्खइ जाव परूवेइ-देवलोएसु णं देवाणं जहण्णेणं दस वाससहस्साई ठिती पण्णत्ता, तेण परं समयाहिया जाव तेण परं वोच्छिण्णा देवा य देवलोगा य-सच्चे णं एसमढे, अहं 'पि णं'२ अज्जो ! एवमाइक्खामि जाव' परूवेमि-देवलोएसु णं अज्जो ! देवाणं जहण्णेणं दस वाससहस्साई ठिती पण्णत्ता, तेण परं समयाहिया, दुसमयाहिया, तिसमयाहिया जाव दससमियाहिया, संखेज्जसमयाहिया, असंखेज्जसमयाहिया, उक्कोसेणं तेत्तीसं साग रोवमाइं ठिती पण्णत्ता । तेण परं वोच्छिण्णा देवा य देवलोगा य—'सच्चे णं एसमढें ॥ तए णं ते समणोवासगा समणस्स भगवग्रो महावीरस्स अंतियं एयमद्रं सोच्चा निसम्म समणं भगवं महावीरं वंदति नमसंति, वंदित्ता नमंसित्ता जेणेव इसिभद्दपुत्ते समणोवासए तेणेव उवागच्छंति, उवागच्छित्ता इसिभदृपूत्तं समणोवासगं वंदंति नमसंति, वंदित्ता नमंसित्ता एयम, सम्म विणएणं भज्जो-भज्जो खामेंति । तए णं ते समणोवासया पसिणाई पूच्छंति, पुच्छित्ता अट्ठाई परियादियंति, परियादियित्ता समणं भगवं महावीरं वंदंति नमसंति, वंदित्ता नमंसित्ता जामेव दिसं पाउन्भूया तामेव दिसं पडिगया ॥ भंतेति ! भगवं गोयमे समणं भगवं महावीरं वंदइ नमसइ, वंदित्ता नमंसित्ता एवं वयासी-पभू णं भंते ! इसिभद्दपुत्ते समणोवासए देवाणुप्पियाणं अंतिय मंडे भवित्ता अगारानो अणगारियं पव्वइत्तए ? नो इण? समटे गोयमा! इसिभद्दपुत्ते समणोवासए बहूहि सीलव्वय-गुण-वेरमणपच्चक्खाण-पोसहोववासेहिं अहापरिग्गहिएहिं तवोकम्मेहि अप्पाणं भावेमाणे वहुई वासाई समणोवासगपरियागं पाउणिहिति, पाउणित्ता मासियाए संलेहणाए अत्ताणं झूसेहिति, झूसेत्ता सट्ठि भत्ताई अणसणाए छेदेहिति, छेदत्ता पालोइय-पडिक्कते समाहिपत्ते कालमासे कालं किच्चा सोहम्मे कप्पे अरुणाभे
१. भ० ११।१७६। २. पुण (अ, स)। ३. भ० ११४२१ ४. सं० पा०--तं चेव जाव तेण ।
५. सच्चमेसे अट्टे (क, ख, ता, ब, म)। ६. नमंसित्ता उट्ठाते उट्ठति २ (ता)। ७. गुणव्वय (ख, ब, म)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |