________________
भगवई
गोयमा ! सव्वत्थोवा लोगस्स एगम्मि आगासपदेसे जहण्णपए जीवपदेसा,
सव्वजीवा असंखेज्जगुणा, उक्कोसपए जीवपदेसा विसेसाहिया ।। ११४. सेवं भंते ! सेवं भंते ! त्ति' ।।
एक्कारसमो उद्देसो सुदंसणसेट्ठि-पदं ११५. तेणं कालेणं तेणं समएणं वाणियग्गामे नामं नगरे होत्था-वण्णयो। दूति
पलासे चेइए-वण्णो जाव' पुढविसिलापट्टयो । तत्थ णं वाणियग्गामे नगरे सुदंसणे नामं सेट्ठी परिवसइ-अड्ढे जाव बहुजणस्स अपरिभूए समणोवासए अभिगयजीवाजीवे जाव' अहापरिग्गहिएहिं तवोकम्मेहि अप्पाणं भावमाणे
विहरइ । सामी समोसढे जाव' परिसा पज्जुवासइ।।। ११६. तए णं से सुदंसणे सेट्ठी इमीसे कहाए लद्धढे समाणे हद्वतुढे हाए कय बलि
कम्मे कयकोउय-मंगल ° -पायच्छित्ते सव्वालंकारविभूसिए सानो गिहाम्रो पडिनिक्खमइ, पडिनिक्खमित्ता सकोरेंटमल्लदामेणं छत्तेणं धरिज्जमाणेणं पायविहारचारेणं महयापुरिसवग्गुरापरिक्खित्ते वाणियग्गामं नगरं मझमझेणं निग्गच्छइ, निग्गछित्ता जेणेव दूतिपलासे चेइए जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं पंचविहेणं अभिगमेणं अभिगच्छइ, [तं जहा–सच्चित्ताणं दव्वाणं विग्रोसरणयाए] ' जहा उसभदत्तो
जाव तिविहाए पज्जुवासणाए पज्जुवासइ ।। ११७. तए णं समणे भगवं महावीरे सुदंसणस्स सेट्ठिस्स तीसे य महतिमहालियाए?
परिसाए धम्म परिकहेइ जाव आणाए अाराहए भवइ ।।
१. भ०१५१॥ २. ओ० सू० १॥ ३. ओ० सू० २-१३॥ ४. भ०२।१४। ५. भ० २।१४। ६. ओ० सू० १६-५२। ७. सं० पा०-कय जाव पायच्छित्ते ।
८. दूतिपलासए (अ)। ६. कोष्ठकवर्ती पाठो व्याख्यांशः प्रतीयते । १०. अ० ६।१४५। ११. महालयाए (स)। १२. पू०-प्रो० सू० ७१। १३. ओ० सू०७१-७७।
Jain Education International
For Private & Personal Use Only
www.jainelibrary.org
