Page Text
________________
एक्कारसं सतं (दसमो उद्देसो)
५०६ दोण्णि य सत्तावीसे जोयणसए तिण्णि य कोसे अट्ठावीसं च धणुसयं तेरस अंगुलाई अद्धंगुलगं च किंचिविसेसाहिए ° परिक्खेवेणं । तेणं कालेणं तेणं समएणं छ देवा महिड्ढीया जाव' महासोक्खा' जंबुद्दीवे दीवे मंदरे पव्वए मंदरचलियं सव्वग्रो समंता संपरिक्खित्ताणं चिद्वेज्जा । अहे णं चत्तारि दिसाकुमारीओ महत्तरियाओ चत्तारि बलिपिंडे गहाय जंबुद्दीवस्स दीवस्स चउसु वि दिसासु बहियाभिमुहीनो ठिच्चा ते चत्तारि बलिपिंडे जमगसमगं बहियाभिमुहे पक्खिवेज्जा। पभू णं गोयमा ! तो एगमेगे देवे ते चत्तारि बलिपिंडे धरणितलमसंपत्ते खिप्पामेव पडिसाहरित्तए। ते णं गोयमा ! देवा ताए उक्किट्ठाए •तुरियाए चवलाए चंडाए जइणाए छेयाए सीहाए सिग्घाए उद्धयाए दिव्वाए ° देवगईए एगे देवे पुरत्थाभिमुहे पयाते 'एगे देवे दाहिणाभिमुहे पयाते, एगे देवे पच्चत्थाभिमुहे पयाते, एगे देवे उत्तराभिमुहे पयाते, एगे देवे उड्ढाभिमुहे पयाते एगे देवे अहोभिमुहे पयाते। तेणं कालेणं तेणं समएणं वाससहस्साउए दारए पयाते। तए णं तस्स दारगस्स अम्मापियरो पहीणा भवंति, नो चेव णं ते देवा लोगंतं संपाउणंति। तए णं तस्स दारगस्स आउए पहीणे भवति, नो चेव ण ते देवा लोगतं ° संपाउणंति । तए णं तस्स दारगस्स अट्ठिमिजा पहीणा भवंति, नो चेव णं ते देवा लोगंतं संपाउणंति । तए णं तस्स दारगस्स आसत्तमे वि कुलवंसे पहीणे भवति, नो चेव णं ते देवा लोगत संपाउणति । तए णं तस्स दारगस्स नामगोए वि पहीणे भवति, नो चेव णं ते देवा लोगंतं संपाउणंति। तेसिणं भंते ! देवाणं कि गए बहए? अगए बहए? गोयमा ! गए बहए. नो अगए बहुए, गयाओ से अगए असंक्खेज्जइभागे, अगयानो से गए असंखेज्जगुणे।
लोए णं गोयमा ! एमहालए पण्णत्ते ॥ अलोयस्स परिमाण-पदं ११०. अलोए णं भंते ! केमहालए पण्णत्ते ?
गोयमा ! अयण्णं समयखेत्ते पणयालीसं जोयणसयसहस्साई आयाम-विक्खंभेणं, "एगा जोयणकोडी बायालीसं च सयसहस्साइं तीसं च सहस्साइं दोण्णि य अउणापन्नजोयणसए किचि विसेसाहिए ° परिक्खेवेणं ।
१. भ० ३।४। २. महेसक्खा (अ, ता, ब, स); महासुक्खा (क)। ३. बहिभिमुहे (क, ता)। ४. सं० पा०-उक्किट्टाए जाव देवगईए।
५. एवं दाहिणाभिमुहे एवं पच्चत्थाभिमहे एवं
उत्तराभिमुहे एवं उड्ढाभिमुहे (अ, क, ता,
ब, म, स)। ६. सं० पा०-णं जाव संपाउणंति। ७. सं० पा०-जहा खंदए जाव परिक्खेवेणं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |