Page Text
________________
एक्कारसं सतं (नवमो उद्दे सो)
तस्स सिवस्स रायरिसिस्स संकियस्स कंखियस्स वितिगिच्छियस्स भेदसमा
वन्नस्स कलुससमावन्नस्स से विभंगे नाणे' खिप्पामेव परिवडिए । ८५. तए णं तस्स सिवस्स रायरिसिस्स अयमेयारूवे अज्झस्थिए' चितिए पत्थिए
मणोगए संकप्पे ° समुप्पज्जित्था एवं खलु समणे भगवं महावीरे तित्थगरे आदिगरे जाव सव्वण्णू सव्वदरिसी अागासगएणं चक्केणं जाव' सहसंबवणे उज्जाणे अहापडिरूवं प्रोग्गहं योगिण्हित्ता संजमेणं तवसा अप्पाणं भावेमाणे विहरइ, तं महप्फलं खलु तहारूवाणं अरहंताणं भगवंताणं नामगोयस्स "वि सवणयाए, किमंग पुण अभिगमण-वंदण-नमसण-पडिपुच्छण-पज्जुवासणयाए ? एगस्स वि पारियस्स धम्मियस्स सुवयणस्स सवणयाए, किमंग पुण विउलस्स अट्टस्स ° गहणयाए ? तं गच्छामि णं समणं भगवं महावीरं वंदामि जाव पज्जुवासामि, एयं णे इहभवे य परभवे य 'हियाए सुहाए खमाए निस्सेयसाए आणगामियत्ताए ° भविस्सइ त्ति कटु एवं संपेहेइ, संपेहेत्ता जेणेव तावसावसहे तेणेव उवागच्छइ, उवागच्छित्ता तावसावसह अणुप्प विसइ अणुप्पविसित्ता सुबहुं लोही-लोहकडाह- कडच्छुयं तंबियं तावसभंडगं° किढिण-संकाइयगं च गेण्हइ गेण्हित्ता तावसावसहायो पडिनिक्खमइ, पडिनिक्ख मित्ता पडिवडियविब्भंगे हत्थिणापुर नगरं मझमझेणं निग्गच्छइ, निग्गच्छित्ता जेणेव सहसंबवणे उज्जाणे. जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिक्खत्तो वंदइ नमसइ, वंदित्ता नमंसित्ता नच्चासन्ने
नातिदूरे सुस्सूसमाणे नमसमाणे अभिमुहे विणएणं पंजलिकडे पज्जुवासइ । ८६. तए णं समणे भगवं महावीरे सिवस्स रायरिसिस्स तीसे य महतिसहालियाए
परिसाए" धम्म परिकहेइ जाव" प्राणाए आराहए भवइ । ८७. तए णं से सिवे रायरिसी समणस्स भगवो महावीरस्स अंतियं धम्म सोच्चा
निसम्म जहा खंदग्रो जाव उत्तरपुरस्थिम दिसीभागं अवक्कमइ, अवक्कमित्ता
सुबहुं लोही-लोहकडाह- कडच्छुयं तंवियं तावसभंडगं° किढिण-संकाइयगं च १. सं० पाo.-कंखियस्स जाव कलुस । १०. सं० पा०-लोहकडाह जाव किढिरण । २. अण्णाणे (क, स)।
११. तिक्खुत्तो पायाहिण-पयाहिणं (स)। ३. सं. पा०-अज्झस्थिए जाव समुप्पज्जित्था। १२. सं० पा०-नातिदूरे जाव पंजलिकडे । ४. भ०१७।
१३. पंजलियडे (ता)। ५. ओ० सू० १६॥
१४. पू०-ओ० सू० ७१। ६. सं० पा०-अहापडिरूवं जाव विहरइ। १५. ओ० सू०७१-७७। ७. सं० पा०-जहा ओववाइए जाव गहणयाए। १६. भ० २१५२॥ ८. भ० २।३०।
१७. सं० पा०---लोहकडाह जाव किढिरण। , ९. सं० पा०-य जाव भविस्सइ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |