Page Text
________________
एक्कारसं सतं (नवमो उद्दसो)
४६७
जिमियभुत्तुरागए वि य णं समाण प्रायंते चोखे परमसुइब्भूए तं मित्त-नाइनियग-सयण-संबंधि-परिजणं विउलेणं असण-पाण-खाइम-साइमेणं वत्थ-गंधमल्लालंकारेण य° सक्कारेइ सम्माणेइ, सक्कारेत्ता सम्माणेत्ता तं मित्त-नाइ•नियग-सयण-संबंधि- ० परिजणं रायाणो य खत्तिए य सिवभई च रायाणं आपुच्छइ, आपुच्छित्ता सुबहुं लोही-लोहकडाह-कडच्छुयं तंबियं तावस ° भंडगं गहाय जे इमे गंगाकूलगा वाणपत्था तावसा भवंति, तं चेव जावतेसिं अंतियं मुंडे भवित्ता दिसापोक्खियतावसत्ताए पव्वइए, पव्वइए वि य णं समाणे अयमेयारूवं अभिग्गहं अभिगिण्हति–'कप्पइ मे जावज्जीवाए छटुं छटेणं अणिक्खित्तेणं दिसाचक्कवालेणं तवोकम्मेणं उड्ढं वाहाम्रो पगिज्झिय-पगिज्झिय विहरित्तए'---- अयमेयारूवं ° अभिग्गह" अभिगिण्हित्ता पढम छट्ठक्खमणं उव
संपज्जित्ताणं विहरइ॥ ६४. तए णं से सिवे रायरिसी पढमछट्टक्खमणपारणगंसि पायावणभूमीग्रो पच्चोरुहइ,
पच्चोरुहित्ता वागलवत्थनियत्थे जेणेव सए उडए तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता पुरत्थिमं दिसं पोक्खेइ, पुरत्थिमाए दिसाए सोमे महाराया पत्थाणे पत्थियं अभिरक्खउ सिवं रायरिसिंअभिरक्खउ सिवं रायरिसिं, जाणि य तत्थ कंदाणि य मूलाणि य तयाणि य पत्ताणि य पुप्फाणि य फलाणि य बीयाणि य हरियाणि य ताणि अणुजाणउ त्ति कटु पुरत्थिमं दिसं पसरइ, पस रित्ता जाणि य तत्थ कंदाणि य जाव हरियाणि य ताइं गेण्ह इ, गेण्हित्ता किढिण-संकाइयगं भरेइ, भरेत्ता दब्भे य कुसे य समिहायो य पत्तामोडं च गिण्हइ, गिण्हित्ता जेणेव सए उडए तेणेव उवागच्छइ, उवागच्छित्ता किढिण-संकाइयगं ठवेइ, ठवेत्ता वेदि वढ्ढेइ, वड्ढेत्ता उवलेवण संमज्जणं करेइ, करेत्ता दमकलसाहत्थगए जेणेव गंगा महानदी तेणेव उवागच्छइ, उवागच्छित्ता 'गंगं महानदि१० ओगाहेइ, प्रोगाहेत्ता जलमज्जणं करेइ, करेत्ता जलकीडं करेइ, करेत्ता जलाभिसेयं करेइ, करेत्ता आयते चोक्खे परमसुइभूए देवय-पिति-कयकज्जे दब्भकलसाहत्थगए गंगानो महा
१. सं० पा-नाइ जाव परिजणं ।
६. कढिरण (अ)। २. सं० पा०-कडच्छ्रयं जाव भंडगं ।
७. सिवे (ब, स)। ३. भ० १११५६ ।
८. सरइ (ता, म)। ४. सं० पा० ---तं चेव जाव अभिग्गहं । ६. दम्भकलस (अ); दब्भसगब्भकलसा (सग) ५. अभिग्गहं अभिगिण्हइ (अ, क, ता, ब, म, हत्थगए (ता, वृपा) ।
स); द्रष्टव्यम्- भ० ३।३३ सूत्रस्य पाद- १०. गंगामहानदी (क, ब, म)। टिप्पणम् ।
११. दब्भसगब्भकलसा (अ, क, ता, ब, म, स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |