Page Text
________________
एक्कासं सतं (नवमी उद्देसो)
४६५
तावेहिं इंगालसोल्लियं कंदुसोल्लियं कटुसोल्लियं पिव अप्पाणं करेमाणा विहरंति ] ' तत्थ णं जे ते दिसापोक्खो तावसा तेसि अंतियं मुंडे भवित्ता दिसापोक्खियतावसत्ताए पव्वइत्तए, पव्वइते वि य णं समाणे अयमेयारूवं अभिग्गहं अभिगिहिसामि - कप मे जावज्जीवाए छटुंछट्टेणं प्रणिक्खित्तेणं दिसाचक्कवालेणं तवोकम्मेणं उड्ढं बाहाम्रो पगिज्भिय - परिज्भिय सूराभिमुहस्स आयावणभूमीए प्रायामाणस्स विहरित्तए, त्ति कट्टु एवं संपेहेइ, संपेहेत्ता कल्लं पाउप्पभायाए रणी जाव' उट्ठयम सूरे सहस्सरस्सिम्मि दिणयरे तेयसा जलते सुबहु लोहीलोह कडाह-कडच्छ्रयं तंबियं तावसभंडगं • घडावेत्ता कोडुंबियपुरिसे सहावेइ, सहावेत्ता एवं वयासी - खिप्पामेव भो ! देवाणुप्पिया ! हत्थिणापुरं नगरं भिरबाहिरियं प्रासिय सम्मज्जिश्रोवलित्तं जाव' सुगंधवरगंधगंधियं गंधव -
भूयं करेह य कारवेह य, करेत्ता य कारवेत्ता य एयमाणत्तियं पच्चप्पिणह | ते वि तमाणत्तियं पच्चपिति ॥
o
६०. तए णं से सिवे राया दोच्चं पि कोडुं बियपुरिसे सद्दावेइ, सद्दावेत्ता एवं वयासी - खिप्पामेव भो ! देवाणुप्पिया ! सिवभद्दस्स कुमारस्स महत्थं महग्घं महरिहं विउलं रायाभिसेयं उवदुवेह । तए णं ते कोडुंवियपुरिसा तहेव उवट्ठवेति ॥ ६१. तए णं से सिवे राया प्रणेगगणनायग- दंडनायगराईसर- तलव र माडं बियकोडुंबिय - इन्भ - सेट्ठि - सेणावइ सत्थवाह - दूय- संधिपाल - सद्धि संपरिवुडे सिवभद्दं कुमारं सीहासणवरंसिपुरत्थाभिमुह, निसियावेइ, निसियावेत्ता ग्रसएणं सोवण्णियाणं कलसाणं जाव' असणं भोमेज्जाणं कलसाणं सव्विड्ढीए जाव दुहि - णिग्घोसणाइयरवेणं महया - महया रायाभिसेगेणं अभिसिंचाइ, अभिसिं
o
Jain Education International
इंगाजसोल्लियं कंदु (ड.) सोल्लियं कटुसोल्लियं पिव अप्पा करेमारणा विहरति । 'ओववाइय' सूत्रस्य (६४) पूर्णपाठः एवमस्ति - ' होत्तिया पोत्तिया कोत्तिया जण्णई सड्ढई थालई हुंबउट्ठा दंतुक्खलिया उम्म ज्जगा सम्मज्जगा निमज्जगा संपखाला दविणकुलगा उत्तरकूलगा संखधमगा कूलधमगा मिगलुद्धगा हत्थितावसा उद्दंडगा दिसापोक्खिणो वाकवासिणो चलवासिणो जलवा सिगो रुक्खमूलिया अंबुभक्खिणो वाउभक्खिणो सेवालभक्खिणो मूलाहारा कदाहारा तयाहारा पत्ताहारा पुष्फाहारा फलाहारा
बीयाहारा परिसडिय - कंद-मूल-तय- पत्त- पुप्फफलाहारा जलाभिसेय कठिण-गाया आयावाहिं पंचग्गितावेहिं इंगालसोल्लियं कंदुसोल्लियं कटुसोल्लियं पिव अप्पाणं करेमारणा ।' १. असौ कोष्ठकवर्ती पाठ: व्याख्यांशः प्रतीयते । २. सं० पा० - परिज्भिय जाव विहरित्तए । ३. भ० २।६६ ।
४. सं० पा० - लोह जाव घडावेत्ता । ५. ओ० सू० ५५ ।
६. सं० पा० - दंडनायग जाव संधिपाल । ७. भ० ६।१८२ ।
८. भ० ६।१८२ ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |