________________
दसमं सतं (चउत्थो उद्देसो)
४७५ ४८. तए णं ते तायत्तीसं सहाया गाहावई समणोवासया पुदिव उग्गा उग्गविहारी,
संविग्गा संविग्गविहारी भवित्ता तो पच्छा पासत्था पासत्थविहारी, प्रोसन्ना ओसन्नविहारी, कुसीला कुसील विहारी, अहाच्छंदा अहाच्छंदविहारी बहूई वासाइं समणोवासगपरियागं पाउणित्ता, अद्धमासियाए संलेहणाए अत्ताणं झसेत्ता, तीसं भत्ताई अणसणाए छेदेत्ता तस्स ठाणस्स प्रणालोइयपडिक्कता कालमासे कालं किच्चा चमरस्स असुरिदस्स असुरकुमाररष्णो तावत्तीसग
देवत्ताए उववण्णा ।। ४६. जप्पभिइं च णं भंते ! ते कायंदगा तायत्तीसं सहाया गाहावई समणोवासगा
चमरस्स असुरिंदस्स असुरकुमाररण्णो तावत्तीसगदेवत्ताए उववन्ना, तप्पभिई च णं भते ! एवं वुच्चइ---चमरस्स असुरिदस्स असुरकुमाररण्णो तावत्तीसगा देवा-तावत्तीसगा देवा? तए णं भगवं गोयमे सामहत्थिणा अणगारेणं एवं वुत्ते समाणे संकिए कंखिए वितिगिच्छिए उठाए उढेइ, उद्वेत्ता सामहत्थिणा अणगारेणं सद्धि जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं वंदइ
नमसइ, वंदित्ता नमंसित्ता एवं वयासी-- ५०. अत्थि णं भंते ! चमरस्स असुरिदस्स असुरकुमाररण्णो तावत्तीसगा देवा
तावत्तीसगा देवा ?
हंता अत्थि ॥ ५१. से केणटेणं भंते ! एवं वुच्चइ–एवं तं चेव सव्वं भाणियव्वं जाव जप्पभिई च
णं भंते ! ते कायंदगा तायत्तीसं सहाया गाहावई समणोवासगा चमरस्स अरिदस्स असुरकुमाररण्णो तावत्तीसगदेवत्ताए उववन्ना, तप्पभिई च णं भंते ! एवं वुच्चइ--चमरस्स असुरिदस्स असुरकुमाररण्णो तावत्तीसगा देवातावत्तीसगा देवा ? नो इण? समटे । गोयमा ! चमरस्स णं असुरिंदरस असुरकुमाररण्णो तावत्तीसगाणं देवाणं सासए नामधेज्जे पण्णत्ते-जं न कयाइ नासी, न कयाइ न भवइ, न कयाइ न भविस्सइ', 'भविसु य, भवति य, भविस्सइ य-धुवे नियए सासए अक्खए अव्वए अवट्ठिए° निच्चे, अन्वोच्छित्तिनयट्ठयाए अण्णे चयंति, अण्णे
उववज्जति ॥ ५२. अत्थि णं भंते ! बलिस्स वइरोणिदस्स वइरोयणरण्णो तावत्तीसगा देवा
तावत्तीसगा देवा ? हंता अस्थि ॥
१. सं० पा०-भविस्सइ जाव नि ।
Jain Education International
For Private & Personal Use Only
www.jainelibrary.org
