________________
४६४
भगवई
पुढे, अहवा पुरिसवेरेण य नोपुरिसवेरेहि य पुढे । एवं प्रासं जाव चिल्ललगं
जाव अहवा चिल्ललगवेरेण' य नोचिल्ललगवेरेहि य पुढे । २५२. पुरिसे णं भंते ! इसि हणमाणे किं इसिवेरेणं पुढे ? नोइसिवेरेणं पुढे ?
गोयमा ! नियम इसिवेरेण य' नोइसिवेरेहि य पुढे ।। पुढविक्काइयादीणं प्राण-पाण-पदं २५३. पुढविक्काइए णं भंते ! पुढविक्कायं चेव प्राणमइ वा ? पाणमइ वा ? ऊससइ
वा? नीससइ वा ? हंता गोयमा ! पुढविक्काइए पुढविक्काइयं चेव ग्राणमइ वा जाव नीससइ
वा ।। २५४. पुढविक्काइए णं भंते ! आउक्काइयं प्राणमइ वा जाव नीससइ वा ?
हंता गोयमा ! पुढविक्काइए णं आउक्काइयं प्राणमइ वा जाव नीससइ वा।
एवं तेउक्काइयं, वाउक्काइयं, एवं वणस्सइकाइयं ।। २५५. अाउक्काइए णं भंते ! पुढविक्काइयं प्राणमइ वा 'जाव नीससइ वा ?
हंता गोयमा ! आउक्काइए णं पुढविक्काइयं प्राणमइ वा जाव नीससइ वा ॥ २५६. आउक्काइए णं भंते ! आउक्काइयं चेव प्राणमइ वा ?
एवं चेव । एवं तेउ-वाउ-वणस्सइकाइयं ।।। २५७. तेउक्काइए णं भंते ! पुढविक्काइयं प्राणमइ वा ? एवं जाव वणस्सइकाइए
णं भंते ! वणस्सइकाइयं चेव आणमइ वा ? तहेव ।।
किरिया-पदं २५८. पुढविक्काइए णं भंते ! पुढविक्काइयं चेव आणममाणे वा, पाणममाणे वा
ऊससमाणे वा, नीससमाणे वा कतिकिरिए ?
गोयमा ! सिय तिकिरिए, सिय च उकिरिए, सिय पंचकिरिए। २५६. पुढविक्काइए णं भंते ! आउक्काइयं आणममाणे वा ?
एवं चेव । एवं जाव वणस्सइकाइयं । एवं आउक्काएण वि सव्वे भाणियव्वा । एवं तेउक्काइएण वि, एवं वाउक्काइएण वि जाव
१. चित्तला ° (ब); चिल्लला° (म)। २. नियम ताव (क); नितमं (ब)। ३. य जाव (ता); एतत् सम्यकनास्ति । ऋषि-
पक्षे तु ऋषिवरेण नो नोऋषिवैरैश्चेत्येवमेक
एव (वृ)। ४. सं० पा०—एवं चेव । ५. सव्वे वि (ता, स)।
Jain Education International
For Private & Personal Use Only
www.jainelibrary.org
